Раянэйр

«Раянэйр»^[1] (анг. Ryanair) — авіякампанія Ірляндыі, заснавная ў 1984 годзе.

«Раянэйр»
Заснаваная	1984 (41 год таму)
Колькасьць самалётаў	419
Прызначэньні	220
Штаб-кватэра	Дублін, Ірляндыя
Лік супрацоўнікаў	12438 (2017)
Сайт	ryanair.com

На 2021 год была адной з самых вялікіх ў Эўропе. Галоўны офіс знаходзіцца ў Суордсе, графства Дублін. Заснаваная ў 1984 годзе ірляндзкім міліянэрам Тоні Райанам (1936—2007), Крысам Райанам і Ліамам Ланэрганам (ўладальнікам турыстычнага агенства). У 1985 годзе кампанія лётала па адзінаму маршруту Уотэрфорд — аэрапорт Гатвік (Лёндан) на бразыльскім 15-мясцовым Embraer Bandeirante. Старшыня рады дырэктароў — Дэвід Бандэрмэн, генэральны дырэктар — Майкл О’Ліры.

Дзейнасьць

«Раянэйр» абслугоўвае звыш 1600 напрамкаў паміж 180 аэрапортамі ў 28 эўрапейскіх краінах і Марока, зьдзяйсьняючы больш за 1600 рэйсаў у суткі^[2]. Асноўным аэрапортам — хабам для авіякампаніі зьяўляецца Лёнданкі Станстэд. Найбольш загружаным і прыбытковым рэйсам авіякампаніі зьяўляецца маршрут Лёндан — Дублін.

Кампанія прадстаўляе кліентам скарочаны набор паслуг. Аэрапорты, якія выкарыстоўваюцца «Раянэйрам», як правіла, знаходзяцца на значнай адлегласьці ад гарадоў, якія абслугоўваюцца імі (напрыклад, аэрапорт Франкфурт-Хан далёка ад Франкфурту на 140 км). Усё гэта дазваляе падтрымліваць кошт квіткоў на мінімальным узроўні.

На тэрыторыі постсавецкай прасторы кампанія зьдзяйсьняе рэйсы ў Кіеў, Харкаў, Адэсу, Львоў, Рыгу, Вільню, Коўна, Палангу і Талін.

Для жыхароў Беларусі інтарэс ўяўляюць аэрапорты Вільні, Коўна, Варшавы, Любліну, Львову і Кіеву.

За 2011 год было перавезена 75 814 551 пасажыраў. За 2016 год было перавезена 106,8 млн пасажыраў. «Раянэйр» выйшаў на першае месца паводле пасажыраабароту ў Эўропе, абагнаўшы «Люфтганзу».

У траўні 2017 году авіякампанія «Раянэйр» падпісала код-шэрынгавае пагадненьне з гішпанскай авіякампаніяй «Эйр Эўропа» для продажу квіткоў на міжкантынэнтальныя рэйсы^[3].