Раўданы

Раўданы, Раўдань (лет. Raudonė) — мястэчка ў Летуве, на правым беразе Нёману. Цэнтар староства Юрбурскага раёну Таўроскага павету.

Раўданы лац. Raŭdany
лет. Raudonė
Замак у Раўданах
Герб Раўданаў
Краіна:	Летува
Павет:	Таўроскі
Раён:	Юрбурскі
Староства:	Раўдонскае
Насельніцтва:	716 чал. (2001)
Часавы пас:	UTC+2
летні час:	UTC+3
Паштовы індэкс:	LT-74057
Геаграфічныя каардынаты:	55°5′59″ пн. ш. 23°7′57″ у. д.
Раўданы на мапе Летувы Раўданы
Галерэя здымкаў у Вікісховішчы

Назва

Асноўны артыкул: Імёны ліцьвінаў

Адзначаліся старажытныя германскія імёны Raud^[1], Rautin і Rauding^[a], якія паходзяць ад гоцкага rauds 'чырвоны'^[3]. На германскае (гоцкае) паходжаньне назваў старажытных паселішчаў на Нёмане зьвярнуў увагу францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[4].

Летувіскія аўтары зьвязваюць назву мястэчка з назвай ручая Раўдане^[5], назву якога выводзяць ад летувіскага raudona 'чырвоны'^[6].

Гісторыя

У 1337 годзе выправа крыжакоў пад камандаю караля Багеміі Ёгана і герцага Ніжняй Баварыі Генрыха XIV заснавала драўляны замак на рацэ Нёмане насупраць руінаў Хрыстмэмэля. У гонар Генрыха замак назвалі Баербург (ням. Bayerburg), што азначае «Замак баварцаў». Замак выкарыстоўваўся як вайсковая база і цэнтар забесьпячэньня дзеля выправаў у Літву і Жамойць.

У XVI ст. замак належаў вялікаму князю Жыгімонту Аўгусту. Новы замак збудаваў на руінах старога дзяржаўны і вайсковы дзяяч Вялікага Княства Літоўскага Геранім Крышпін-Кіршэнштайн. З тых часоў замак неаднаразова перабудоўваўся.

Глядзіце таксама

• Раўданскі рукапіс

Заўвагі

1. Сярод іншага, запіс у Літоўскай Мэтрыцы паміж 1440 і 1492 гадамі: Окинши Равдине три чоловеки^[2]