Робэрт Вільдфлуш

Роберт Тэнісавіч Вільдфлуш (19 сакавіка 1906, в. Мацевічы, Пухавіцкі раён — 30 ліпеня 1972) — беларускі навуковец ў галіне аграхіміі. Доктар сельскагаспадарчых навук (1955), прафэсар (1956). Заслужаны дзяяч навукі БССР (1965)^[1].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Вільдфлуш.

Робэрт Вільдфлуш
Дата нараджэньня	19 сакавіка 1906(1906-03-19)
Месца нараджэньня	Мацеевічы, Блускі сельсавет, Пухавіцкая воласьць[d], Ігуменскі павет, Менская губэрня, Расейская імпэрыя
Дата сьмерці	30 ліпеня 1972(1972-07-30) (66 гадоў)
Месца вучобы	Беларуская дзяржаўная акадэмія сельскае гаспадаркі (1929) Аграрна-тэхнічны коледж імя Лабанка[d] (1925)
Занятак	навуковец
Месца працы	Беларуская дзяржаўная сельскагаспадарчая акадэмія
Навуковая ступень	доктар сельскагаспадарчых навук[d]
Дзеці	Ігар Робертавіч Вільдфлуш[d]
Узнагароды

Жыцьцяпіс

Скончыў Беларускую дзяржаўную сельскагаспадарчую акадэмію ў 1929 годзе. Загадчык катэдры агранаміі і агранамічнай хіміі Беларускага садова-агароднага інстытуту (1931). З 1934 г. па 1941 г. дэкан факультэту аграхіміі глебазнаўства. З 1945 г. па 1972 г. загадчык катэдры аграхіміі БСГА.

Навуковая дзейнасьць

Асноўныя працы па вывучэньні і распрацоўцы прыёмаў эфэктыўнага выкарыстаньня ўгнаеньняў. Дасьледаваў лякальны спосаб унясеньня асноўнага ўгнаеньня на дзярнова-падзолістых суглінкавых глебах БССР^[1].

Узнагароды

Узнагароджаны ордэнамі Леніна (1966), Працоўнага Чырвонага Сьцяга (1961), «Знак Пашаны» (1949), мэдалямі, Ганаровай граматай Вярхоўнага Савета БССР (1965). На адным з карпусоў Беларускай сельскагаспадарчай акадэміі ў яго гонар устаноўлена мэмарыяльная дошка^[2].

Бібліяграфія

• Дзеяньне вапны і вапністамагнэзіяльных сумесей на ўраджайнасьць сельскагаспадарчых культур. — Мн., 1933.
• Краткий справочник по известкованию кислых почв. — Мн., 1972. (разам з І. Гарбылёвай)
• Агрохимия: учебник / И. Р. Вильдфлуш [и др.]; под ред. И. Р. Вильдфлуша. — Минск : ИВЦ Минфина, 2013. — 704 с.