Родная прырода
навукова-папулярны ілюстраваны часопіс Беларусі From Wikipedia, the free encyclopedia
Remove ads
«Родная прырода» — навукова-папулярны ілюстраваны часопіс Беларусі, заснаваны ў студзені 1972 году ў якасьці інфармацыйна-мэтадычнага бюлетэня.
Выдаваўся з дадаткам «Юны натураліст»[1]. Падпісным індэксам на «Белпошце» быў 74926[3]. Электронную падпіску з дастаўкай pdf у скрыню электроннай пошты ладзілі праз плятформу «Белпрэса»[4].
Remove ads
Мінуўшчына
31 студзеня 1972 году быў падпісаны ў друк 1-ы нумар бюлетэня «Родная прырода». Яго першым галоўным рэдактарам стаў старшыня Дзяржаўнага камітэту аховы прыроды Беларускай ССР Аляксей Варанцоў. Выпускам займалася выдавецтва «Полымя». У 1972 годзе наклад пілётнага выпуску склаў 44 396 асобнікаў[2]. Ад пачатку бюлетэнь выдаваўся па-беларуску аднойчы на 2 месяцы. У 1977 годзе стаў часопісам. Асьвятляў справы аховы прыроды, узаеміны чалавека і навакольля, выкананьне дзяржаўных экалягічных праграмаў і традыцыі экалягічнага выхаваньня і адукацыі. Друкаваў выявы маляўнічых куткоў Беларусі. Зьмяшчаў апавяданьні і вершы пра прыроду[5].
У студзені 2002 году выданьне часопіса пераняў «Дом прэсы», які зьменшыў пэрыядычнасьць выхаду ў друк да аднаго разу на 2 месяцы[6]. На студзень 2007 год пэрыядычнасьць выхаду пачасьцілі да штомесячнай, але часопіс зрабілі дзьвюхмоўным[7].
1 жніўня 2009 году яго выдаўцом стала «Народная газэта». У 2011 годзе разавы наклад часопіса перавышаў 2900 асобнікаў. На старонках часопіса найбольшую ўвагу надавалі чысьціні вады і паветра, абыходжаньню з адкідамі і прыродаахоўным землям, рэдкім відам жывёлаў і расьлінаў, занесеным у Чырвоную кнігу Беларусі, а таксама змаганьню супраць браканьерства. Закраналася разьвіцьцё падарожніцтва па Беларусі. Зьмяшчаліся ўкладкі для грыбнікоў і рыбакоў, падарожнікаў, сьледапытаў і ягаднікаў. Свае творы ў часопісе друкавалі Пятрусь Броўка і Аркадзь Куляшоў, Міхась Лынькоў і Пімен Панчанка, Анатоль Астрэйка і Рыгор Барадулін[8].
У студзені 2014 году часопіс далучылі да Выдавецкага дому «Зьвязда»[3]. У 2020 годзе № 2 часопіса выйшаў накладам у 1281 асобнік.
Remove ads
Галоўныя рэдактары
- Аляксей Варанцоў (1972—1977)[2]
- Зьмітро Бяспалы (1977—1991)
- Валеры Дранчук (1992)[9]
- Віктар Крукоўскі (1993—2003)
- Міхась Шыманскі (2004—2008)[7]
- Віктар Куклаў (2009—2013)
- Алена Ляўковіч (шэф-рэдактарка; студзень 2014[10] — 2015)
- Натальля Кароткая (красавік 2015[11] — чэрвень 2016)[12]
- Алена Стэльмах (2016—2017)[13]
- Вольга Пралюк (травень 2017[14] — чэрвень 2019)[15]
- Вераніка Коласава (2019—2022)
- Александрына Паршына (зь 2023 году)[16]
Наклад
Remove ads
Крыніцы
Wikiwand - on
Seamless Wikipedia browsing. On steroids.
Remove ads