Выдавецкі дом «Зьвязда»

Выдавецкі дом «Зьвязда» — рэдакцыйна-выдавецкая ўстанова Беларусі, заснаваная ў лістападзе 2012 году.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Зьвязда (неадназначнасьць).

Выдавецкі дом «Зьвязда»
Заснаваная	2012 (12 гадоў таму)
Краіна	Беларусь
Разьмяшчэньне	Менск, Савецкі раён, вул. Б. Хмяльніцкага, д. 10а
Ключавыя фігуры	Алесь Карлюкевіч
Галіна	выдавецкая
Прадукцыя	кнігі
Матчына кампанія	Міністэрства інфармацыі Беларусі
zviazda.by
Выдавецкі дом «Зьвязда» у Вікісховішчы

Гісторыя

Створана ў лістападзе 2012 году. У склад РВУ уваходзяць літаратурна-мастацкія і грамадзка-палітычныя часопісы «Полымя», «Маладосць», «Нёман», альманах «Вожык», газэта «Літаратура і мастацтва»), выдавецкі аддзел, які ажыцьцяўляе выпуск кніг (раней уваходзілі ў склад рэдакцыйна-выдавецкай установы «Літаратура і мастацтва»), а таксама газэта «Зьвязда». У студзені 2014 году да Выдавецкага дому «Зьвязда» далучылі ілюстраваны часопіс «Родная прырода», заснавальнікам якога было Міністэрства прыродных рэсурсаў і аховы навакольнага асяродзьдзя Беларусі^[1].

За 2023 год выдалі 86 кніг агульным накладам 120 147 асобнікаў. Большасьць кніг выдалі ў межах дзяржаўнага заказу ў якасьці сацыяльна значнай літаратуры. Найбольшы наклад займеў «Зборнік твораў для дадатковага чытаньня ў VI клясе», які пабачыў сьвет у сэрыі «Школьная бібліятэка» і налічваў 23 119 асобнікаў^[2].

Кіраўнікі

1. Алесь Карлюкевіч (лістапад 2012 — 2016)
2. Павал Сухарукаў (cьнежань 2016 — 2020)
3. Алесь Карлюкевіч (са жніўня 2020 году)