Руслана Лыжычка

Русла́на Сьцяпа́наўна Лыжы́чка (па-ўкраінску: Руслана Степанівна Лижичко; сцэнічны псэўданім — Руслана; нарадзілася 24 траўня 1973, Львоў) — вядомая ўкраінская сьпявачка, танцорка і прадусарка.

Руслана
Руслана Лыжычка
Дата нараджэньня	24 траўня 1973(1973-05-24) (52 гады)
Месца нараджэньня	Львоў, Украіна
Месца вучобы	Львоўская нацыянальная музычная акадэмія імя Мікалая Лысенкі[d]
Прафэсія	сьпявачка, танцорка, прадусарка
Сябра ў	Вярхоўная Рада Ўкраіны V скліканьня[d] і Вярхоўная Рада Ўкраіны IV скліканьня[d]
Жанры	поп, поп-фольк[d] і этнічная музыка[d]
Вакал	кантральта[d]
Інструмэнты	фартэпіяна
Псэўданімы	Руслана
Лэйблы	Warner Music Group[d] і EMI[d]
Узнагароды	Person of the Year[d] (1996) Golden Firebird[d] (1998) ордэн «За інтелектуальную адвагу»[d] (2013) Міжнародная жаночая прэмія за мужнасць[d] (2014) 2004 World Music Awards[d] Прэмія імя Васіля Стуса[d] (2014) M1 Music Awards[d] (2016) Ukrainian Song of the Year[d] (2021) пераможца конкурсу песьні „Эўравізія“[d] (2004)
Сайт	ruslana.ua/en/ (укр.) ruslana.ua/en/ (анг.)
Руслана ў Вікісховішчы

У 2004 годзе Руслана перамагла ў конкурсе «Эўрабачаньне» зь песьняй «Wild Dances». За год да гэтага яе альбом «Дикі танці» ва Ўкраіне быў прададзены накладам больш як 100 000 асобнікаў і стаў плацінавым.

Біяграфія

Руслана нарадзілася і гадавалася ў Львове. Яшчэ дзіцём сьпявала ў гурце «Орион», а потым у дзіцячым ансамблі «Усмішка». Скончыла музычную вучэльню і паступіла на дырыгенцкі факультэт Львоўскай кансэрваторыі. Прафэсійна грае на фартэпіяна. У 1993 Руслана і Аляксандар Ксэнафонтаў (з кім яна пабралася шлюбам праз два гады) асноўваюць рэклямную студыю «Люксэн». Руслана агучвае шматлікія радыёрэклямы, у тым ліку фірмаў Oriflame і Coca-Cola. У сярэдзіне 90-х бярэ ўдзел у некалькіх музычных праектах, перамагае на ўкраінскіх песенных конкурсах. У 1998 годзе Руслана выдае свой першы альбом «Мить весни» («Імгненьне вясны»), які набывае папулярнасьць. У 1999 годзе Руслана ўдзельнічае ў запісу каляднага мюзіклу «Останнє Різдво 90-х» («Апошнія каляды 90-х»), які атрымвае ўзнагароду «Фільм году» ва Ўкраіне. У 2003 годзе ейны альбом «Дикі танці» ва Ўкраіне становіцца плацінавым — было прададзена больш як 100 000 асобнікаў. 16 траўня 2004 году Руслана перамагае ў музычным конкурсе «Эўрабачаньне», які праходзіў у Стамбуле (Турэччына) зь песьняй «Wild Dances».

Дыскаграфія

Альбомы

• Мить весни — Дзвінкий вітер (Імгненьне вясны — Лепшыя канцэрты Звонкага ветру, 1996, 1998)
• Останнє різдво 90-х (Апошнія каляды 90-х, 1999)
• Найкраще (2001)
• Добрий вечір, тобі… (2002)
• Дикі танці (Дзікія танцы, 2003)
• Дикі танці + Євробонус (2004)
• Wild Dances (2004)
• Wild Dances (New Year Edition) (2005)
• Wild. Club'in (2005)

Сынглы

• «Дикі танці» (2004)
• «Dance with the Wolves» («Танці з вовками») (2004)
• «The Same Star» («Скажи мені»)(2005)
• «Дика енергія» (2006)

Вонкавыя спасылкі

• Афіцыйны вэбсайт Русланы*
• RuslanaTV
• Youtube