Руслан Равяка

Руслан Яўгенавіч Равяка (нар. 8 кастрычніка 1975, Баранавічы) — беларускі журналіст, перакладчык, вікіпэдыст^[1].

Руслан Равяка
Дата нараджэньня	8 кастрычніка 1975(1975-10-08) (49 гадоў)
Месца нараджэньня	Баранавічы, Берасьцейская вобласьць, БССР, СССР
Месца вучобы	Магілёўскі дзяржаўны ўнівэрсытэт харчаваньня
Занятак	журналіст, перакладнік, вікіпэдыст
Месца працы	Баранавіцкі мясакансэрвавы камбінат[d] Наша Ніва Intex-press

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Равяка.

Жыцьцяпіс

Нарадзіўся ў Баранавічах. Скончыў Магілёўскі тэхналягічны ўнівэрсытэт, па спэцыяльнасьці інжынэр-механік абсталяваньня харчовай прамысловасьці. 16 гадоў працаваў інжынэрам на Баранавіцкім мясакансэрвавым камбінаце, шмат гадоў супрацоўнічаў з газэтай «Наша Ніва». Пасьля працаваў журналістам у баранавіцкім незалежным тыднёвіку «Intex-Press». Жыў у Баранавічах^[2].

Рэдактар Беларускай Вікіпэдыі клясычным правапісам^[1].

У студзені 2022 года на Равяку склалі адміністрацыйны пратакол за захоўваньне экстрэмісцкіх матэрыялаў. Яго абвінавацілі ў захоўваньні кнігі «Mein Kampf» Адольфа Гітлера на кампутары, які забралі супрацоўнікі КДБ у ліпені 2021 году падчас ператрусу ў рэдакцыі «Intex-press»^[3].

З 2023 па сьнежань 2024 працаваў рэдактарам на баранавіцкім навінным сайце bar24.by.

Творчасьць

Апавяданьні друкаваліся ў часопісах «Маладосць» і «Першацвет»^[4], у розных зборніках баранавіцкіх аўтараў «Святліца».

На беларускую мову пераклаў апавяданьні Станіслава Лема «Уранавыя вушы» і Вітальда Вірпшы «Смецце», раман Сяргея Пясэцкага «Жыцьцё раззброенага чалавека» (ARCHE 5-2014). Разам з Уладзем Маруцікам пераклаў раман Сяргея Пясецкага «Каханак Вялікай Мядзьведзіцы» (нявыдадзены)^[2].

Кнігапіс

• Руслан Равяка. Невядомае фота ксяндза Татарыновіча. // Наша вера : часопіс. — 2009. — № (2) 48. — С. 70—71..