Рыбніца (возера)

Рыбніца — возера ў Беларусі, у басэйне ракі Пыранкі. Знаходзіцца ў Гарадзенскім раёне Гарадзенскае вобласьці, за 20 км на ўсход ад Горадні. Плошча паверхні возера 2,48 км². Даўжыня 4,76 км, найбольшая шырыня 0,9 км. Найбольшая глыбіня дасягае 7,6 м сярэдняя складае 3 м. Даўжыня берагавой лініі 12,4 км.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Рыбніца (неадназначнасьць).

Возера Рыбніца Краіна Беларусь Плошча 2,48 км² Плошча вадазбору 403 км² Максымальная глыбіня 7,6 м Сярэдняя глыбіня 3 м Найбольшая даўжыня 4,76 км Найбольшая шырыня 0,9 км Даўжыня берагавой лініі 12,4 Вышыня над узроўнем мора 113,1 м Каардынаты 53°42′22.17″ пн. ш. 24°09′24.72″ у. д. Рыбніца на мапе Беларусі ± Рыбніца Рыбніца

На паўднёва-ўсходнім беразе возера стаіць гістарычнае мястэчка Азёры

Апісаньне

Катлавіна лагчыннага тыпу, выцягнутая з паўночнага ўсходу на паўднёвы захад. Вышыня схілаў ад 3—5 да 17 м. Заходнія і паўночна-заходнія берагі возера зьліваюцца з схіламі. Берагавая лінія зьвілістая. Дно каля берагоў пясковае, глыбей — высьцілаецца сапрапэлем.

Возера праточнае. Упадае рака Стрыеўка, праз возера цячэ рака Пыранка, якая злучае яго зь Белым возерам.

Уваходзіць у зону адпачынку Азёры.

Флёра і фаўна

У возеры водзяцца шчупак, лешч, акунь, карась, краснапёрка, плотка, лінь ды іншыя віды рыбаў^[1].