Рымальдзішкі

Рымальдзішкі (лет. Rimaldiškė) — вёска ў Летуве, на рацэ Бірвеце. Уваходзяць у склад Вялікавескага староства Ігналінскага раёну Ўцянскага павету. Насельніцтва на 2021 год — 17 чалавек. Знаходзяцца каля граніцы з Беларусьсю.

Рымальдзішкі лац. Rymaldziški
лет. Rimaldiškė
Краіна:	Летува
Павет:	Уцянскі
Раён:	Ігналінскі
Насельніцтва:	40 чал. (2006)
Часавы пас:	UTC+2
летні час:	UTC+3
Геаграфічныя каардынаты:	55°16′52.000″ пн. ш. 26°47′35.002″ у. д.
Рымальдзішкі на мапе Летувы Рымальдзішкі
Галерэя здымкаў у Вікісховішчы

Назва

Асноўны артыкул: Рымальд

Рымальд (Rimald) — імя германскага паходжаньня^[1].

Яшчэ этнограф і мовазнаўца Яўхім Карскі зьвяртаў увагу на тое, што ў латыскай Курляндыі, «большасьць беларускіх населеных месцаў заканчваюцца на -ішкі»^[2], пазьней у рэчышчы палітыкі летувізацыі падобныя тапонімы на -ішкі азначылі як «гістарычна балтыйскія» і нават «тыпова летувіскія»^[3]. Тым часам менскі дасьледнік Алёхна Дайліда зазначае, што «ва ўсходнегерманскіх мовах быў пашыраны суфікс -isk-: такім парадкам, так менаваная «лінія Сафарэвіча» (мяжа перавагі паселішчаў з назовамі на -ішкі ў Панямоньні) не абавязкова зьнітаваная з балтамі»^[4].

Гісторыя

У крыніцах упамінаюцца з 1751 году. Да 1842 году належалі да маёнтку Гадуцішкаў Віленскага капітулу.

Насельніцтва

• 1864 год — 35 рэвіскіх душаў^[5]
• 1905 год — 155 чалавек^[6].
• 2021 год — 17 чалавек