Рычард Ніл Фрымэн

Ры́чард Ніл Фры́мэн (па-ангельску: Richard Knill Freeman, 1840, Лёндан — 1904^[4]) — брытанскі архітэктар, які пачаў сваю кар'еру ў Дэрбі і затым пераехаў у Болтан (Ланкашыр)^[4]. Працаваў у віктарыянскім гатычным стылі^[5]. Усяго ён праработаў прыблізна над 140 будынкамі, больш за палову зь якіх захаваліся прынамсі часткова^[6]. Сярод ягоных працаў — цэрквы, музэі, дамы, рэстаўрацыі, школы, музэі^[7].

Рычард Ніл Фрымэн
Дата нараджэньня	1838[1], 1839[1], чэрвень 1840[1] або 1840[2]
Месца нараджэньня	Стэпні[d], Таўэр-Гэмлетс[d], Вялікі Лёндан, Ангельшчына, Вялікабрытанія[d]
Дата сьмерці	24 чэрвеня 1904(1904-06-24)[3][1]
Занятак	архітэктар
Рычард Ніл Фрымэн у Вікісховішчы

Музэй і мастацкая галерэя Дэрбі, 1900 год

У 1874 годзе Фрымэн спраектаваў шэраг пірсаў у Блэкпуле, у 1876 годзе ўзьвёў будынак Музэю і мастацкай галерэі Дэрбі. У 1882 годзе ён выйграў першы тур спаборніцтва Музэю навук і мастацтва ў Дубліне (Нацыянальнага музэю Ірляндыі) «за дызайн будынку чатырохкутнай формы з мансардавым дахам»^[8]. У 1884 годзе ён пабудаваў у Маскве англіканскую царкву Сьвятога Андрэя, «тыповую ангельскую царкву ў віктарыянскім стылі»^[7].

Царква сьвятой Троіцы ў Блэкпуле і Царква сьвятога Ляўрэнція ў Прэстане былі дабудаваныя ў 1895 годзе^[9]; акрамя таго, ён пабудаваў царкву сьвятой Маргарыты ў Голінгсвудзе, рэстаўраваў у Ўоркслі і спраектаваў лякарню^[4].

Фрымэн уваходзіў у Манчэстэрскі саюз архітэктараў (па-ангельску: Manchester Society of Architects) і быў ягоным прэзыдэнтам у 1890-91 гады^[6].

Сын Фрымэна, Фрэнк Рычард (Frank Richard Freeman, 1870—1934) таксама стаў архітэктарам, як і бацька. Пад брэндам «Freeman & Son» ён працягнуў працу свайго бацькі і пабудаваў некалькі цэркваў у падобным на бацькаўскі стылі^[6].