Рэмігола

Рэміго́ла (па-летувіску: Ramygala) — горад у цэнтральнай Летуве, знаходзіцца ў Панявескім раёне Панявескага павету за 25 кілямэтраў ад Панявежу^[2]. Колькасьць насельніцтва налічвае 1,7 тыс. чалавек. Горад знаходзіцца ў этнаграфічным рэгіёне Аўкштота. Праз горад праходзіць аўтадарога Via Baltica. Чыгунка адсутнічае.^[3].

Рэмігола
лет. Ramygala
Герб Рэміголы Сьцяг Рэміголы
Першыя згадкі:	ХІІІ стагодзьдзе
Горад з:	1957
Краіна:	Летува
Павет:	Панявескі
Раён:	Панявескі
Вышыня:	69 м н. у. м.
Насельніцтва:	▼1198 чал. (1 студзеня 2023)[1]
Часавы пас:	UTC+2
летні час:	UTC+3
Тэлефонны код:	45
Паштовы індэкс:	LT-38260
Геаграфічныя каардынаты:	55°30′40″ пн. ш. 24°18′10″ у. д.
Рэмігола на мапе Летувы Рэмігола
Галерэя здымкаў у Вікісховішчы
http://www.panrs.lt/seniun/ramyg.htm

Назва «Рамігола» упершыню сустракаецца ў ХІІІ стагодзьдзі. У 1370 годзе паселішча было разрабавара рыцарамі Тэўтонскага Ордэну. Прыкладна ў 1500 годзе быў пабудаваны касьцёл. Пасьля гэтага пачалося разьвіцьцё паселішча. У канцы ХVІ стагодзьдзя Рэмігола атрымала права праводзіць штогадовыя кірмашы. У адрозьненьне ад шматлікіх іншых гарадоў Вялікага Княства Літоўскага, Рэмігола ніколі не належала прыватнаму ўладальніку. Горад знаходзіўся ва ўласнасьці Віленскага касьцёлу, а потым Віленскага ўнівэрсытэту.

Пасьля падзелу Рэчы Паспалітай Рэмігола трапіла ў склад Расейскай імпэрыі. У 1888 годзе зьявілася першая аптэка, а з 1895 году пачала дзейнічаць пошта.

Зь сярэдзіны ХІХ стагодзьдзя да 1950 году Рэмігола была валасным цэнтрам, а потым, з 1950 да 1962 году цэнтрам раёну. Правы гораду мястэчка атрымала ў 1957 годзе.