Рэндэ

Рэ́ндэ (па-італьянску: Rende) — горад у Італіі, які месьціцца ў рэгіёне Калябрыя. Знаходзіцца ў правінцыі Казэнцы. У месьце базуецца Калябрыйскі ўнівэрсытэт.

Рэндэ
Краіна:	Італія
Плошча:	55,28 км² (9 кастрычніка 2011)[1]
Вышыня:	480 м н. у. м.
Насельніцтва:	▲36 434 чал. (1 студзеня 2023)[2]
Тэлефонны код:	0984
Паштовы індэкс:	87036
Нумарны знак:	CS
Геаграфічныя каардынаты:	39°20′0″ пн. ш. 16°11′0″ у. д.
Рэндэ на мапе Італіі Рэндэ
Галерэя здымкаў у Вікісховішчы
http://www.comune.rende.cs.it/

Гісторыя

Замак Рэндэ на фатаздымку 1911 году.

Энотры заснавалі на месцы сучаснага места горад пад назвай Ахэрунція. Аднак некалькі жыхароў пазьней пераехалі ў больш абароненую тэрыторыю, якая адпавядае сучаснай фракцыёнэ Наджана, заснаваўшы блізу 520 году да н. э. новае паселішча Арунтыя. Гэтае селішча згадвалася старажытнагрэцкім гісторыкам Гекатэем зь Мілету як бруцкі горад энотрыйскага паходжаньня.

У рымскія часы горад паводле сутнасьці падзяляў гісторыю суседняй Казэнцы. Пасьля працяглага супраціву ён быў разрабаваны войскамі Татылы ў 547 годзе за часам Гоцкіх войнаў. У VIII—X стагодзьдзях ён часам падвяргаўся нападам сарацынскіх войскаў, пакуль частка насельніцтва не перасялілася на тэрыторыю сучаснага места Кастыльёнэ-Казэнтына. Пазьней горад кантраляваўся нарманамі, а потым і іншымі паўднёваітальянскімі, часам замежнага паходжаньня, дынастыямі.