Сабакінскі сельсавет

Саба́кінскі сельсавет (з 1954 году — Першама́йскі сельсавет) — адміністрацыйна-тэрытарыяльная адзінка ў складзе Шчучынскага раёну Гарадзенскай вобласьці. Адміністрацыйны цэнтар — вёска Сабакінцы.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Першамайскі сельсавет.

Сабакінскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Сабакінцы
Дата ўтварэньня	12 кастрычніка 1940
Насельніцтва	▼1295 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

12 кастрычніка 1940 году створаны ў складзе Васілішкаўскага (з 20 студзеня 1960 году — Радунскага, з 25 сьнежня 1962 году — Шчучынскага) раёну Баранавіцкай (з 20 верасьня 1944 году — Гарадзенскай) вобласьці^[1].

16 ліпеня 1954 году вёску Сабакінцы перайменавалі ў Першамайскую. У сувязі з гэтым Сабакінскі сельсавет перайменаваны ў Першамайскі^[2].

17 чэрвеня 1961 году да сельсавету далучаная тэрыторыя скасаванага Матыльскага сельсавету. 2 сьнежня 1961 году ў склад Навадворскага сельсавету перададзеныя вёскі Дамейкі і Сырні^[3]. 11 лютага 1972 году да сельсавету далучаная тэрыторыя скасаванага Хадзілонскага сельсавету. У 1986 годзе скасаваны хутар Грабнік^[4]. 21 чэрвеня 2011 году цэнтар сельсавету, вёска Першамайская, атрымала статус аграгарадку і перайменаваная ў Першамайск^[5].

У 2014 годзе ў склад Васілішкаўскага сельсавету перададзеныя вёскі Вайнілаўцы, Старадворцы, Стары Двор^[6].

Насельніцтва

Насельніцтва сельсавету паводле перапісу 2009 году — 2406 чалавек^[7], зь іх 59,4 % — беларусы, 38,7 % — палякі, 1,0 % — расейцы^[8].

Населеныя пункты

• 1 студзеня 1947 году — 21^[9]
• 1 студзеня 1974 году — 42^[10]
• 1 студзеня 1986 году — 44^[11]