Васілішкаўскі раён

Васілі́шкаўскі раён — адміністрацыйна-тэрытарыяльная адзінка ў БССР у 1940—1960 гадох. Створаны 15 студзеня 1940 году ў складзе Баранавіцкай, з 20 верасьня 1944 году ў складзе Гарадзенскай абласьцей. Адміністрацыйны цэнтар — мястэчка Васілішкі, з 3 жніўня 1954 году — мястэчка Астрына. Плошча раёну складала 0,7 тыс. км², налічвалася 264 населеных пунктаў (1946 г.).

Васілішкаўскі раён
Агульныя зьвесткі
Краіна	БССР
Статус	раён СССР[d], раён Беларусі і былая адміністрацыйна-тэрытарыяльная адзінка[d]
Адміністрацыйны цэнтар	Астрына
Дата ўтварэньня	15 студзеня 1940
Дата скасаваньня	20 студзеня 1960
Плошча	700 км²
Месцазнаходжаньне
Дадатковыя мультымэдыйныя матэрыялы

Гісторыя

12 кастрычніка 1940 году падзелены на 12 сельсаветаў: Астрынскі, Бакштаўскі, Бярозаўскі, Васілішкаўскі, Касьцянеўскі, Матыльскі, Навадворскі, Нарашанскі, Пугачоўскі, Сабакінскі, Шайбакпольскі, Шастакоўскі, адначасова ў раёне створаны гарадзкі пасёлак Астрына. 16 ліпеня 1954 году скасаваны Бярозаўскі і Пугачоўскі сельсаветы, Сабакінскі сельсавет перайменаваны ў Першамайскі (вёска Сабакінцы перайменаваная ў Першамайскую)^[1]. 3 жніўня 1954 году цэнтар раёну перанесены ў гарадзкі пасёлак Астрына, гарадзкі пасёлак Васілішкі скасаваны, яго тэрыторыя ўключаная ў склад Васілішкаўскага сельсавету^[2]. 20 студзеня 1960 году раён скасаваны. Бакштаўскі, Васілішкаўскі, Матыльскі, Сабакінскі (Першамайскі) і Шастакоўскі сельсаветы перададзеныя ў склад Радунскага раёну; Астрынскі, Касьцянеўскі, Навадворскі, Нарашанскі, Шайбакпольскі і г. п. Астрына — у склад Шчучынскага раёну.