Пацавіцкі сельсавет

Пацаві́цкі сельсавет — былая адміністрацыйна-тэрытарыяльная адзінка ў складзе Мастоўскага раёну Гарадзенскай вобласьці. Цэнтар сельсавету — вёска Пацавічы.

Пацавіцкі сельсавет
Агульныя зьвесткі
Краіна	Беларусь
Статус	сельсавет Беларусі[d] і былая адміністрацыйна-тэрытарыяльная адзінка[d]
Адміністрацыйны цэнтар	Пацавічы
Дата ўтварэньня	25 лютага 1961
Дата скасаваньня	28 жніўня 2013
Насельніцтва	▼1741 чал. (2009)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

Утвораны 12 кастрычніка 1940 году як Самуйлавіцкі сельсавет у складзе Мастоўскага раёну Баранавіцкай вобласьці БССР. Цэнтар — вёска Самуйлавічы Дольныя. З 20 верасьня 1944 году ў складзе Гарадзенскай вобласьці. 16 ліпеня 1954 году да сельсавета далучана тэрыторыя скасаванага Рагозьніцкага сельсавету^[1].

25 лютага 1961 году перайменаваны ў Пацавіцкі сельсавет, цэнтар перанесены ў вёску Пацавічы. З 25 сьнежня 1962 году па 6 студзеня 1965 году ў складзе Ваўкавыскага раёну.

28 жніўня 2013 году сельсавет ліквідаваны, усе населеныя пункты — Боркі, Войдзевічы, Вялікая Рагозьніца, Забалацьце, Лаўры, Ліхінічы, Логнавічы, Лявонавічы, Малая Рагозьніца, Парфенавічы, Пацавічы, Самуйлавічы Горныя, Самуйлавічы Дольныя — перададзеныя ў склад Пескаўскага сельсавету^[2].

Насельніцтва сельсавета паводле перапісу 2009 году складала 1741 чалавек^[3], зь іх 48,5% — беларусы, 46,0% — палякі, 4,5% — расейцы^[4].