Самюэль Это’о

Самюэль Это’о (па-француску: Samuel Eto'o; нарадзіўся 10 сакавіка 1981 году, Дуала, Камэрун) — былы камэрунскі футбаліст, нападнік. Гулец нацыянальнай зборнай Камэруну, адзін з найлепшых футбалістаў афрыканскага футболу. Найлепшы бамбардзір у гісторыі Кубка афрыканскіх нацыяў.

­­­

Самюэль Это’о
Пэрсанальная інфармацыя
Нарадзіўся	10 сакавіка 1981(1981-03-10)[1][2][3][…] (44 гады) Дуала[d]
Рост	180 см
Вага	75 кг
Пазыцыя	нападнік
Клюбы
Гады	Клюб	Гульні (галы)¹
1996—1998 1997—1998 1998—2000 1998—1999 2000—2004 2004—2009 2009—2011 2011—2013 2013—2014 2014—2015 2015 2015—2018 2018 2018—2019	Рэал Мадрыд Кастыльля → Леганэс (арэнда) Рэал Мадрыд → Эспанёл (арэнда) Мальёрка Барсэлёна Інтэрнацыянале Анжы Чэлсі Эвэртан Сампдорыя Антальяспор Коньяспор Катар Спортс	0 (0) 28 (3) 2 (0) 0 (0) 133 (54) 144 (108) 67 (33) 53 (25) 21 (9) 14 (3) 18 (2) 76 (44) 13 (6) 18 (6)
Зборныя
1998—2014	Камэрун	118 (56)

Кар’ера

Клюбная

У 1997 годзе Это’о далучыўся да мадрыдзкага «Рэалу». Ён стаў гульцом рэзэрвы, і ня меў права ўдзельнічаць у афіцыйных гульнях, паколькі рэзэрвовая каманда «Рэала» знаходзілася на той момант у лізе, дзе было забаронена заяўляць на матч гульцоў з краінаў, якія не ўваходзілі ў ЭЗ. Таму на працягу некалькіх гадоў Этоэо знаходзіўся ў розных клюбах на правах арэнды.

Ён добра зарэкамэндаваў сябе ў выступах за «Мальёрку», клюбам было прынятае рашэньне выкупіць Самюэля ў «Рэалу». Это’о апраўдаў чаканьні ўладальнікаў клюбу: на момант пераходу ў «Барсэлёну» ўлетку 2004 году яму належаў рэкорд паводле колькасьці галоў, забітых за «Мальлёрку» ў першынстве Гішпаніі.

Дэбютаваў у новым клюбе Самюэль 29 жніўня 2004 году. 29 лістапада 2008 году нападнік забіў 111 мяч у афіцыйных матчах за «Барсэлёну» і ўвайшоў паводле гэтага паказчыку ў дзясятку найлепшых гульцоў у гісторыі «сіне-гранатавых». У складзе «Барсэлёны» Это’о двойчы станавіўся ўладальнікам Кубку Гішпаніі, Супэркубку Гішпаніі і пераможцам Лігі чэмпіёнаў, тройчы выйграваў чэмпіянат Гішпаніі.

Улетку 2009 году Это’о перайшоў у «Інтэр». 8 жніўня 2009 году Самюэль забіў свой першы гол у афіцыйных матчах за «Інтэрнацыянале». У дэбютным сэзоне за клюб ён у трэці раз у кар’еры выйграў Лігу чэмпіёнаў. 21 жніўня 2010 году гулец вызначыўся дублем у матчы за Супэркубак Італіі, што дапамагло «Інтэрнацыянале» атрымаць перамогу зь лікам 3:1.

23 жніўня 2011 году Это’о нечакана перайшоў у расейскі «Анжы», дзе гульца прапанавалі заробак у 20 млн эўра пасьля спагнаньня ўсіх падаткаў^[4]. Дэбютаваў Самюэль 27 жніўня ў матчы супраць «Растова», калі выйшаў на замену на 30 хвілінаў і забіў год на 80-й хвіліне з падачы Жыркова. У жніўні 2013 году ўладальнік клюбу з Дагестану Сулейман Керымаў вырашыў значна скараціць клюбны бюджэт, з-за часу шмат гульцоў былі выстаўлены на трансфэр.

29 жніўня 2013 году Это’о падпісаў аднагадовы кантракт з ангельскім клюбам «Чэлсі»^[5]. 26 жніўня 2014 году было абвешчана пра пераход Самюэля ў «Эвэртан», зь якім гулец падпісаў 2-гадовы кантракт^[6]. 30 жніўня 2014 году дэбютаваў за клюб, выйшаўшы на замену, і забіў мяч у браму свайго былога клюбу «Чэлсі». У пачатку 2015 году вярнуўся ў Сэрыю А, падпісаўшы кантракт на 2,5 году з клюбам «Сампдорыя».

Міжнародная

У складзе нацыянальнай зборнай Камэруну Это’о стаў чэмпіёнам Алімпіяды 2000 году і двойчы чэмпіёнам Кубка афрыканскіх нацыяў.

У верасні 2021 года Самуэль Это'О абвясціў аб сваёй кандыдатуры на пасаду прэзідэнта Камерунскай федэрацыі футбола (Фекафут).

Дасягненьні

З «Барсэлёнай» Самюэль двойчы стаў пераможцам Лігі чэмпіёнаў

«Мальёрка»:

• Уладальнік Кубку Гішпаніі: 2003

«Барсэлёна»:

• Чэмпіён Гішпаніі: 2005, 2006, 2009
• Уладальнік Кубку Гішпаніі: 2009
• Уладальнік Супэркубку Гішпаніі: 2005, 2006
• Пераможца Лігі чэмпіёнаў: 2006, 2009

«Інтэрнацыянале»:

• Чэмпіён Італіі: 2010
• Уладальнік Кубку Італіі: 2010, 2011
• Уладальнік Супэркубку Італіі: 2010
• Пераможца Лігі чэмпіёнаў: 2010
• Пераможца клюбнага чэмпіянату сьвету: 2010

Камэрун:

• Уладальнік Кубку афрыканскіх нацыяў: 2000, 2002
• Алімпійскі чэмпіён: 2000