Саюз камуністаў Югаславіі

Саюз камуністаў Югаславіі — камуністычная партыя ў Югаславіі, кіруючая партыя ў СФРЮ. Заснавана ў 1919 годзе на ўстаноўчым зьезьдзе ў Бялградзе, як Сацыялістычная рабочая партыя Югаславіі (камуністаў). У 1920 годзе партыя была перайменавана ў Камуністычную партыю Югаславіі (КПЮ). КПЮ зьяўлялася сябрам Камуністычнага інтэрнацыяналу.

Саюз камуністаў Югаславіі
па-сэрбскахарвацку: Савез комуниста Југославије па-сэрбскахарвацку: Savez komunista Jugoslavije па-славенску: Zveza komunistov Jugoslavije па-македонску: Сојуз на комунистите на Југославија‎
Дата заснаваньня	1919 год
Распушчаная	1990 год
Штаб-кватэра	Бялград, СФРЮ
Ідэалёгія	камунізм, сацыялізм, цітаізм

З пачаткам Другой сусьветнай вайны партыя прыняла актыўны ўдзел у народна-вызваленчай вайне Югаславіі.

Пасьля абвяшчэньня Фэдэратыўнай Народнай Рэспублікі Югаславіі КПЮ атрымала манаполію на ўладу ў Югаславіі, стаўшы тым самым кіруючай і адзінай партыяй у краіне. Камуністычная партыя Югаславіі зьяўлялася сябрам Камуністычнага інфармацыйнага бюро з 1947 году, але ў сувязі з савецка-югаслаўскім расколам партыя выйшла з арганізацыі.

У 1952 годзе партыя набыла назву Саюз камуністаў Югаславіі (СКЮ).

СКЮ была распушчана ў 1990 годзе на 14 зьезьдзе партыі з-за супярэчнасьцяў паміж сэрбскай і славенскай дэлегацыяй па пытаньнях будучага ўладкаваньня фэдэрацыі.

Склад

У склад Саюзу камуністаў Югаславіі ўваходзілі наступныя рэгіянальныя камуністычныя партыі:

• Саюз камуністаў Босьніі і Герцагавіны
• Саюз камуністаў Македоніі
• Саюз камуністаў Сэрбіі
• Саюз камуністаў Славеніі
• Саюз камуністаў Харватыі
• Саюз камуністаў Чарнагорыі

Вонкавыя спасылкі

• Саюз камуністаў Югаславіі — артыкул у Вялікай расейскай энцыкляпэдыі

Літаратура

• Севь­ян Д. А.. Из ис­то­рии Сою­за ком­му­ни­стов Юго­сла­вии, 1919–1945. — М.: 1982.