Сеўск

Сеўск — места ў Бранскай вобласьці Расеі, на рацэ Сеў. Адміністрацыйны цэнтар Сеўскага раёну. Насельніцтва на 2018 год — 6663 чалавекі.

Сеўск
рас. Севск
Герб Сеўску
Першыя згадкі:	1146
Краіна:	Расея
Суб’ект фэдэрацыі:	Бранская вобласьць
Раён:	Сеўскі
Вышыня:	170 м н. у. м.
Насельніцтва:	6663 чал. (2018)
Часавы пас:	UTC+3
Тэлефонны код:	+7 48356
Паштовы індэкс:	242440
Нумарны знак:	32
Геаграфічныя каардынаты:	52°9′0″ пн. ш. 34°29′38″ у. д.
Сеўск на мапе Расеі Сеўск
Галерэя здымкаў у Вікісховішчы

Знаходзіцца за 149 км ад Бранску, за 43 км ад чыгуначнай станцыі Камарычы на лініі Бранск — Льгоў.

Гісторыя

• 1146: першыя згадкі ў Ўваскрасенскім і Іпацьеўскім летапісах, вядомы як паселішча Севсько Чарнігаўска-Северскага княства.
• 1356: увайшоў у склад Вялікага Княства Літоўскага.
• 1585: захоплены Масковіяй, пасьля чаго зраіўся адной з найважнейшых паўднёвых фартэцыяў.
• пачатак XVII стагодзьдзя: жыхары Сеўску выступілі на баку Дзьмітрыя Самазванца.
• 1618: згодна з умовамі Дэвулінскага замірэньня застаўся за Масковіяй.

Кіеўская вуліца ў Сеўску

• 1634: вытрымаў аблогу войскамі Рэчы Паспалітай.
• 1654: цэнтар Сеўскага палку.
• 1686: распачала працу Сеўская мынца.
• 1708: у Кіеўскай губэрні, а ад 1727 у Белгарадзкай губэрні.
• 1778: атрымаў статус места.
• 1796: цэнтар павету Арлоўскай губэрні.
• 1909: у месьце акдрылася вучэльня.
• 1941—1943: знаходзіўся пад нямецкай акупацыяй.
• 1944: у Бранскай вобласьці.

Насельніцтва

• XVII стагодзьдзе: 1625 год — 0,5 тыс. чал.
• XVIII стагодзьдзе: 1711 год — 8,3 тыс. чал.
• XIX стагодзьдзе: 1871 год — 7733 тыс. чал., у т. л. 35 каталікоў, 8 пратэстантаў, 62 юдаісты, 3 магамэтаніны.^[1]; 1897 год — 9,2 тыс. чал.
• XX стагодзьдзе: 1959 год — 6,2 тыс. чал.; 1979 год — 7,5 тыс. чал.; 1996 год — 8,1 тыс. чал.
• XXI стагодзьдзе: 2009 год — 7,5 тыс. чал.

Эканоміка

Філія Маскоўскага станкабудаўнічага заводу ім. С. Арджанікідзэ, завод па апрацоўцы пянькі, прадпрыемствы харчовай прамысловасьці.

Славутасьці

Цэрквы: Узьнясенская (1765), Петрапаўлаўская (1809), Казанская (1760). Званіцы Ўсьпенскага (1811) і Траецкага (1782) сабораў. Жылыя дамы другой паловы XIX ст.

Поруч зь Сеўскам — Спаса-Праабражэнскі манастыр (заснаваны ў 1631 годзе як фартэцыя на подступах да Сеўску).

Асобы

• Іван Пятроўскі (1901—1973) — матэматык, рэктар МДУ