Спушанка

Спуша́нка — рака ў Беларусі, правы прыток ракі Скідалькі (басэйн Нёману). Цячэ ў Шчучынскім і Гарадзенскім раёнах Гарадзенскай вобласьці. Даўжыня 44 км^[1]. Плошча вадазбору 228 км². Сярэдні нахіл воднай паверхні 1,6‰.

Рака

Спушанка
Агульныя зьвесткі
Выток	каля в. Плянтаў
Вусьце	Скідалька
Краіны басэйну	Беларусь
Вобласьці	Гарадзенская вобласьць
Даўжыня	44 км
Плошча басэйну	228 км²
Нахіл воднай паверхні	1,6 ‰
Асноўныя прытокі
Левыя	Прудчак

Асноўны прыток — рака Прудчак (левы). На рацэ стаіць гістарычнае мястэчка Дэмбрава.

Пачынаецца каля вёскі Плянтаў Шчучынскага раёну, упадае ў Скідальку на ўсходняй ускраіне места Скідзелю. Даліна зьвілістая, трапэцападобная, яе шырыня 0,6—1,8 км. Абалона да вёскі Дэмбрава двухбаковая, месцамі чаргуецца па берагах, забалочаная, парасла лугавой расьліннасьцю і хмызьняком, ніжэй плыньню вузкая, адкрытая. Рэчышча зьвілістае (шырыня 5—7 м), на працягу 18 км каналізаванае: ад вытоку да аўтамабільнай дарогі Шчучын — мястэчка Астрына (18 км) і ад вёскі Маліньнікаў да Дэмбрава (4 км). Прымае сьцёк зь мэліярацыйных каналаў. Каля Дэмбрава на рацэ сажалка (плошча 6,4 га)^[2].