Сталовач

Стало́вач (па-польску: Stołowacz, па-падляску: Stołóvač) — невялікая вёска ў Бельскім павеце Падляскага ваяводзтва Польшчы. Знаходзіцца ў гміне Бельск-Падляскі.

Сталовач
польск. Stołowacz
Мясцовая назва:	Stołowacz, Stołovač
Краіна:	Польшча
Ваяводзтва:	Падляскае
Павет:	Бельскі
Гміна:	Бельск-Падляскі
Насельніцтва:	48 чал. (31 сакавіка 2021)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-100
Нумарны знак:	BBI
Геаграфічныя каардынаты:	52°48′0″ пн. ш. 23°6′0″ у. д.
Сталовач на мапе Польшчы Сталовач
Галерэя здымкаў у Вікісховішчы

Насельніцтва

Жыхары вёскі ў большасьці палякі каталіцкага веравызнаньня (парафія Божай Маці з Гары Кармэль у Бельску-Падляскім^[2]).

Гісторыя

Сядзіба Браніцкіх у Сталовачы (18 ст., не захавалася)

З 16 ст. у Сталовачы існаваў фальварак бельскага стараства. У пазьнейшых стагодзьдзях фальварак быў арандаваны прыватнымі ўладальнікамі. Распрадажа маёнтку наступіла каля 1910 году. У міжваенны пэрыяд Сталовач прыналежаў да гміны Вышкі Бельскага павету Беластоцкага ваяводзтва. Паводле польскага перапісу насельніцтва 1921 г. пражывалі тут 56 жыхароў (54 католікоў і 2 праваслаўных, усе запісаныя палякамі)^[3]. Пасьля Другай сусьветнай вайны Сталовач быў далучаны да гміны Бельск-Падляскі.