Станіслаў Галактыёнаў

Станісла́ў Гена́дзевіч Галактыё́наў (7 сакавіка 1937^[2], Смаленск, СССР — 8 красавіка 2011, Мобіл, ЗША) — савецкі беларускі і амэрыканскі навуковец, адзін з заснавальнікаў малекулярнага мадэляваньня^[3].

Станіслаў Галактыёнаў
Дата нараджэньня	7 сакавіка 1937(1937-03-07)
Месца нараджэньня	Смаленск, РСФСР, СССР
Дата сьмерці	8 красавіка 2011(2011-04-08) (74 гады)
Месца сьмерці	ЗША, Мобіл
Месца пахаваньня	Алабама
Месца вучобы	Беларускі дзяржаўны тэхналягічны ўнівэрсытэт
Занятак	біёляг
Навуковая сфэра	малекулярная біялёгія
Месца працы	Інстытут цепла- і масаабмену Дзяржаўны навукова-дасьледчы інстытут генэтыкі і сэлекцыі прамысловых мікраарганізмаў (Расея)[d] Інстытут арганічнага сінтэзу Акадэміі навук Латвіі[d] Вашынгтонскі ўнівэрсытэт (Сэнт-Луіс)[d]
Вядомы як	бацька малекулярнага мадэляваньня
Навуковая ступень	доктар біялягічных навук[d][1]

Жыцьцяпіс

Скончыў Беларускі лесатэхнічны інстытут. 28 жніўня 1958 ажаніўся зь Леанорай Міхнёвай.

У 1960 року паступіў у асьпірантуру Інстытуту экспэрымэнтальнае батанікі АН БССР. Па сканчэньні ў 27-гадовым узросьце абараніў дысэртацыю на званьне кандыдата біялягічных навук; у 36 гадоў абараніў доктарскую дысэртацыю.

У 1977 запрошаны на працу ў Інстытут арганічнага сынтэзу АН Латвійскай ССР, дзе працаваў некалькі рокаў.

Вярнуўшыся ў Менск, працаваў у інстытуце біялёгіі НАН Беларусі. Займаўся малекулярнай біялёгіяй, рыхтаваў для ЭВМ праграмы па біялёгіі, зьвязаныя з вызначэньнем структураў малекул. Стаў адным з заснавальнікаў малекулярнага мадэляваньня^[4].

У 1991 зьехаў з жонкай да дачкі ў ЗША. Працягваў працаваць у Цэнтры малекулярнага дызайну Вашынгтонскага ўнівэрсытэту ў Сэнт-Люісе, дзе стаў міжнародна вядомым.

Аўтар больш сотні навуковых працаў і некалькіх навукова-папулярных кніг^[5][6]. Ягоныя працы па біялёгіі перакладаліся на эўрапейскія мовы.

У 2001 року перанёс інсульт, пасьля чаго аднавіць навуковую працу ўжо ня здолеў. Праз рок яны з жонкай пераехалі ў Мобіл (Алабама), дзе жыла дачка зь сям’ёй.

Памёр 8 красавіка 2011^[2] ва ўзросьце 74 рокаў. Пахаваны ў батанічным садзе места Мобіл.

Бібліяграфія

• Галактионов С. Г., Никифорович Г. В. Беседы о жизни. — М.: Молодая гвардия, 1977. — 208 с. — (Эврика). — 100 000 ас. (перакладзеная на баўгарскую, латыскую і японскую мовы)
• Галактионов С. Г., Юрин В. М. Ботаники с гальванометром. — М.: Знание, 1979. — С. 143.
• Галактионов С. Г., Юрин В. М., Иванченко В. М. Регуляция функций мембран растительных клеток / Под ред. М. Н. Гончарика. — Минск: Наука и техника, 1979. — 199 с.
• Галактионов С. Г., Юрин В. М. Водоросль сигнализирует об опасности. — Минск: Вышэйш. школа, 1980. — 143 с.
• Галактионов С. Г. Биологически активные / ред.: В. Щербаков, Л. Антонюк. — М.: Молодая гвардия, 1988. — 270 с. — (Эврика). — 100 000 ас. — ISBN 5-235-00707-7
• С. Г. Галактионов, А. Н. Яцкевич. Рыцарь науки из Нянькова. — Минск: Наука и техника, 1989. — 63 с.