Станіслаў Сак

Сак (у каталіцтве Станіслаў; ? — па 1433) — дзяржаўны дзяяч Вялікага Княства Літоўскага, староста дубініцкі (1433). На Гарадзельскай уніі атрымаў герб «Памян». Пачынальнік роду Саковічаў.

Станіслаў Сак
лац. Stanisłaŭ Sak

Герб «Памян»
Асабістыя зьвесткі
Нарадзіўся	XIV стагодзьдзе
Памёр	па 1434
Род	Саковічы
Дзеці	Андрэй, Васіль (Васька), Ян (Івашка), Станіслаў (Станька), Алехна, Пётар, Фёдар (Федзька)

Імя

Асноўны артыкул: Сак

Сака, пазьней Зак (Sacco, Sack) — імя германскага паходжаньня^[1][2]. Іменная аснова сак- (саг-, зак-) (імёны ліцьвінаў Сакель, Сакень, Жагель; германскія імёны Sackel, Sacken, Sagel) паходзіць ад гоцкага sakjo 'спрэчка'^[2][3].

Варыянты імя ў гістарычных крыніцах: cum Saka^[4], Saka^[5] (2 кастрычніка 1413 году); Sack (15 траўня 1432 году)^[6]; Sak (15 кастрычніка 1432 году)^[7]; Sak Dubingensis [tenutariorum] [sigilla] (20 студзеня 1433 году)^[8]; Stanislaus Sak^[9].

Біяграфія

Зь літоўскага баярскага роду. Відаць, быў у сваяцтве з Даўгердамі.

Упершыню ўпамінаецца ў акце Гарадзельскай уніі (1413 год). У 1433 годзе быў старостам дубініцкім.

Меў сыноў Андрэя, Васіля (Ваську), Яна (Івашку), Станіслава (Станьку), Алехну, Пятра, Фёдара (Федзьку).

Мова і культура

Асноўныя артыкулы: Ліцьвіны і Русіны

Да акту Гарадзельскай уніі (1413 год) і Мельнскага міру (1422 год) прывесіў пячаці з лацінамоўнымі гатычнымі надпісамі^[10][11]:

+ stanisslaus ∵ dcs ∵ sak ∵

+ s(igillum) sak · her(edis) de nyem[e…]

Да акту Гарадзенскай уніі (1432 год) прывесіў пячаць з лацінкавым гатычным надпісам^[12]:

∗ peczeth ∗ sakowycz