Сакель

Сакель (Жакель, Жагіль, Шакель) — мужчынскае імя і вытворнае ад яго прозьвішча.

Sakel
Паходжаньне
Мова(-ы)	германскія
Утворанае ад	Sacco + суфікс з элемэнтам -л- (-l-)
Іншыя формы
Варыянт(ы)	Жакель, Жагіль, Шакель, Шакаль
Зьвязаныя артыкулы
якія пачынаюцца з «Сакель»

Паходжаньне

Асноўны артыкул: Імёны ліцьвінаў

Сакіла або Сагіла, пазьней Сакель (Sakilo, Sagilo, Sakel^[1]) — імя германскага паходжаньня^[2]. Іменная аснова сак- (саг-, зак-) (імёны ліцьвінаў Сакень, Жагель, Жагар; германскія імёны Sacken, Sagel, Sagar) паходзіць ад гоцкага sakjo 'спрэчка'^[3][4].

Прозьвішча літоўскага шляхецкага роду Сакеляў выводзяць ад нямецкага прозьвішча Sackel^[5] (Sagel^[6]).

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Sakel (Szakel)^[7].

Варыянты імя ў гістарычных крыніцах: чоловека зъ землею на имя Сакеля Вилеиковича (6 жніўня 1493 году)^[8]; а в Богдана Сакелевича (9 чэрвеня 1517 году)^[9]; листь Станислава Якубовича Шакелевича… листъ Андрея Миколаевича Шакелевича… по смеръти стрыя Войтеха Богдановича Шакелевича (14 сакавіка 1585 году)^[10]; бояромъ своимъ Тверскимъ небожчику Павлу Сакелю… Валенты Сакелевичъ (7 траўня 1586 году)^[11]; Heliasz Sakiel (1621 год)^[12]; Sakiel Jan Kazimierzowicz na miejscu rodzica Kazimerza Sakiela (1667 год)^[13]; Piotr Sakiel Salomonowicz… Samuel Sakiel^[14], Piotr Sakiel z Sakielów^[15], Jan Sakiel^[16], Jerzy Sakiel^[17] (1690 год); U Pawła Sakiela… U Antona Sakiela… U Krzysztofa Sakiela… U Marcina Sakiela (6 студзеня 1700 году)^[18]; Elżbieta Żagilewicz (1814 год)^[19].

Носьбіты

• Багдан Сакелевіч — упіцкі баярын, які ўпамінаецца ў 1517 годзе

Сакелі — літоўскі шляхецкі род, які меў уладаньні на Жамойці

Сакель (Sakiel, Sakiell) і Шакалевіч (Szakalewicz) — прозьвішчы, зафіксаваныя ў XIX стагодзьдзі ў ваколіцах Сувалкаў^[20].

На 1906 год існавала вёска Жакелі ў Дрысенскім павеце Віцебскай губэрні^[21].