Станіслаў Фэрдынанд Жавускі

Станіслаў Фэрдынанд Жавускі (польск. Stanisław Ferdynand Rzewuski; 1737, Падгорцы — 16 чэрвеня 1786, Паграбішча) — дзяржаўны і вайсковы дзяяч Вялікага Княства Літоўскага, Рэчы Паспалітай. Падстолі (1759—1760) і харунжы вялікі літоўскі (1762—1782); ратмістар панцырны (1755), генэрал-маёр кароннай арміі (1757).

Станіслаў Фэрдынанд Жавускі

Крыўда[d]
Герб «Крыўда»
Асабістыя зьвесткі
Нарадзіўся	1737 Падгорцы[d], Львоўская зямля[d], Рускае ваяводзтва, Малапольская правінцыя[d], Карона Каралеўства Польскага, Рэч Паспалітая
Памёр	16 чэрвеня 1786 Паграбішча, Бярдзічаўскі павет[d], Брацлаўскае намесніцтва[d], Расейская імпэрыя
Род	Жавускія
Бацькі	Вацлаў Пётар Жавускі Ганна зь Любамірскіх
Жонка	Кацярына Караліна з Радзівілаў
Дзеці	Адам, Севярын, Тэафілія, Ганна, Францішка, Караліна
Рэгаліі
Ордэн Белага арла

Трымаў Холмінскае староства. Кавалер Ордэна Белага Арла (1760)^[1].

Біяграфія

Прадстаўнік шляхецкага роду Жавускіх гербу «Крыўда» , сын Вацлава Пятра, гетмана вялікага кароннага, і Ганны зь Любамірскіх. Меў братоў Юзэфа і Севярына.

Абіраўся паслом на соймы. Быў фэльдмаршалам аўстрыйскім. 24 верасьня 1759 атрымаў урад падстолія, 30 траўня 1760 — харунжага вялікага літоўскага.

Ажаніўся з Кацярынай Каралінай Радзівіл. У шлюбе меў сыноў Адама і Севярына, а таксама дачок Тэафілію, Ганну, Францішку і Караліну.