Сухадроўка

Сухадро́ўка, Сухо́драўка — рака ў Лёзьненскім і Віцебскім раёнах Беларусі, правы прыток ракі Лучосы (басэйн Дзьвіны). Даўжыня 66 км. Плошча вадазбору 519 км². Выдатак вады ў вусьці 3,3 м³/с. Сярэдні нахіл воднай паверхні 1,7‰.

Рака

Сухадроўка
Агульныя зьвесткі
Выток	каля в. Сьвірбы
Вусьце	Лучоса
Краіны басэйну	Беларусь
Вобласьці	Лёзьненскі раён і Віцебскі раён
Даўжыня	66 км
Сярэднегадавы сьцёк	3,3 м³/с
Плошча басэйну	519 км²
Нахіл воднай паверхні	1,7 ‰
Галерэя здымкаў у Вікісховішчы

Асноўныя прытокі

• Правыя: Выдрэя, Ласасіна
• Левыя: Ардзяжанка

Агульныя зьвесткі

Пачынаецца каля паўночна-ўсходняй ускраіны вёскі Сьвірбы Лёзьненскага раёну, вусьце за 1 км на паўночны захад ад вёскі Кузьмянцы Віцебскага раёну. Цячэ ў межах Віцебскага ўзвышша.

Даліна трапэцападобная (шырыня 300—600 м, ёсьць звужэньні да 50 м), ніжэй за ўток ракі Ласасіна невыразная. Абалона чаргуецца па берагах, у высокай плыні месцамі адсутнічае, пераважная шырыня 100—300 м. Рэчышча вольна мэандруе, умерана зьвілістае, у сярэдняй плыні моцназьвілістае, паміж вёскамі Стасева і Вялікая Выдрэя Лёзьненскага раёну парожыстае^[1].