Сухарава (мікрараён)

Су́харава — мікрараён у Фрунзэнскім раёне Менску. Разьмешчаны на захадзе гораду, у межах Менскай кальцавой аўтамабільнай дарогі.

Сухарава
Краіна	Беларусь
Горад	Менск
Каардынаты	53°53′ пн. ш. 27°25′ у. д.

У раёне пражывае ня менш за 150 тыс. чалавек. Галоўныя гандлёвыя кропкі — ГЦ «Maximus» і «Праздник». Мэдыцынскія ўстановы прадстаўленыя амбуляторыяй агульнай практыкі № 2 на вул. акадэміка Фёдарава і 10-й гарадзкой паліклінікай, будуецца новая дзіцячая паліклініка на скрыжаваньні вуліц Лабанка і Сухараўскай. З культурных збудаваньняў ёсьць праваслаўная царква імя арханёла Міхаіла на вул. Шаранговіча, дзейнічаюць пратэстанцкія цэрквы на вуліцах Гарэцкага і Кавалёва. На адлегласьці прыблізна 2 км ад жылога масіву разьмешчаная ЦЭЦ.

Вуліцы

• В. Шаранговіча
• М. Гарэцкага
• У. Лабанка
• П. Панчанкі
• Сухараўская
• Л. Скрыпнікава
• Акадэміка Ф. Фёдарава
• Л. Чайлыткі
• Ф. Янкоўскага

Гісторыя

Упершыню згаданае як «зямля» Сухараўская, валоданьне якой было пацьверджана вялікім князем літоўскім Аляксандрам у жніўні 1503 г. для гаспадарскага баярына Багдана Карэйвы^[1].

20 ліпеня 2013 году на вуліцы Янкоўскага асьвяцілі храм арханёла Міхаіла, дзе штомесяц ладзяць набажэнства па-беларуску.