Сьцяпан Хацкевіч

Сьцяпа́н Фёдаравіч Хацке́віч (1 жніўня 1910, в. Парэчча, цяпер Пухавіцкі раён Менскай вобласьці — 28 ліпеня 1979, Менск) — беларускі актор, Заслужаны артыст БССР (1963).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Хацкевіч.

Сьцяпан Хацкевіч
па-беларуску: Сцяпан Фёдаравіч Хацкевіч
Дата нараджэньня	1 жніўня 1910(1910-08-01)
Месца нараджэньня	Парэчча, Мазырскі павет, Менская губэрня, Расейская імпэрыя
Дата сьмерці	28 ліпеня 1979(1979-07-28) (68 гадоў)
Месца сьмерці	Менск, БССР, СССР
Занятак	актор
Месца працы	Нацыянальны акадэмічны драматычны тэатар імя Якуба Коласа Нацыянальны акадэмічны тэатар імя Янкі Купалы
Узнагароды

Жыцьцяпіс

Скончыў драматычную студыі пры Наркамаце асьветы БССР (1933), працаваў у БДТ-2. З 1937 году ў БДТ-1.

Вострахарактарны актор. Творчай індывідуальнасьці Хацкевіча была ўласьціва шчырасьць, выразная плястыка, багацьце інтанацыяў, яркія сацыяльна-псыхалягічныя характарыстыкі пэрсанажаў. Майстар эпізоду. Найбольш яскрава талент актору выявіўся ў нацыянальным рэпэртуары.

Сярод ралей Хацкевіча — Лявон Зяблік ў «Раскіданае гняздо» Янкі Купалы, Клешч у «На дне» Максіма Горкага, Фэрчайлд у «Што той салдат, што гэты» Бэртальда Брэхта.

Здымаўся ў фільмах і на тэлебачаньні, граў у фільмах «Хвалі Чорнага мора», «Міколка-паравоз», «Руіны страляюць…», «Чалавек не здаецца».

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2003. — Т. 16: Трыпалі — Хвіліна. — 576 с. — ISBN 985-11-0263-6
• Тэатральная Беларусь у 2-х тамах: Энцыклапедыя / Пад агул. рэд. А. В. Сабалеўскага; Рэдкал.: Г. П. Пашкоў (гал. рэд.) і інш. — Мн.: Беларуская Энцыклапедыя, 2002. — Т. 2: Л-Я. — 571 с. — ISBN 985-11-0254-7 (т. 2), ISBN 978-9851102545