Сяраскі сельсавет

Сяра́скі сельсавет — адміністрацыйна-тэрытарыяльная адзінка ў складзе Слуцкага раёну Менскае вобласьці. Адміністрацыйны цэнтар — вёска Сярагі.

Сяраскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Сярагі
Дата ўтварэньня	20 жніўня 1924
Насельніцтва	▼3137 чал. (2019)
Месцазнаходжаньне
Дадатковыя мультымэдыйныя матэрыялы

Гісторыя

20 жніўня 1924 году створаны Сяраскі сельсавет у складзе Слуцкага раёну Слуцкай акругі. З 9 чэрвеня 1927 году ў складзе Бабруйскай акругі. Пасьля скасаваньня акруговай сыстэмы 26 ліпеня 1930 году ў Слуцкім раёне БССР. З 21 чэрвеня 1935 году ў Слуцкім раёне Слуцкай акругі.

Пасьля ўвядзеньня абласнога падзелу 20 лютага 1938 году ў Слуцкім раёне Менскай вобласьці. З 20 верасьня 1944 году па 8 студзеня 1954 году ў складзе Бабруйскай вобласьці. 16 ліпеня 1954 году да сельсавету далучана тэрыторыя скасаванага Лучнікоўскага сельсавету^[1].

28 траўня 2013 году ў склад сельсавету перададзеныя вёска Бязьверхавічы і пасёлкі Бязьверхавічы, Рэтаўшчына, якія ўваходзілі ў склад Акцябарскага сельсавету^[2].

Насельніцтва

Паводле перапісу 2009 году насельніцтва сельсавету (8 населеных пунктаў) — 3531 чалавек^[3], зь іх 94,9% — беларусы, 3,6% — расейцы^[4].