Сяргей Даўлатаў

Сярге́й Дана́тавіч Даўла́таў (прозьвішча паводле пашпарту — Даўла́таў-Ме́чык; 3 верасьня 1941, Уфа — 24 жніўня 1990, Нью-Ёрк) — савецкі пісьменьнік і журналіст, дысыдэнт. Аўтар шэрагу аўтабіяграфічных кніг: «Зона: цыдулкі наглядчыка» (рас. «Зона: записки надзирателя»); «Кампраміс» (рас. «Компромисс»); «Запаведнік» (рас. «Заповедник»), у якіх распавёў пра адметныя этапы жыцьця: пра тэрміновую службу ў войску ў ахове выпраўленчых калёній, пра журналісцкую дзейнасьць у газэце «Савецкая Эстонія», пра працу экскурсаводам у Пушкінскім запаведніку Міхайлаўскае.

Сяргей Даўлатаў
Сергей Довлатов
Асабістыя зьвесткі
Імя пры нараджэньні	Сяргей Данатавіч Даўлатаў
Нарадзіўся	3 верасьня 1941 Уфа, СССР
Памёр	24 жніўня 1990 Нью-Ёрк, ЗША
Пахаваны	Маўнт-Геброн[d]
Бацькі	Donat Mechik[d][1]
Сужэнец	Asya Pekurovskaya[d]
Літаратурная дзейнасьць
Род дзейнасьці	пісьменьнік, журналіст
Гады творчасьці	з 1960
Мова	расейская мова[2] і ангельская
Сяргей Даўлатаў у Вікісховішчы
http://www.sergeidovlatov.com

Эміграваў у ЗША у 1978 годзе, дзе працаваў галоўным рэдактарам штотыднёвіка «Новый американец», вёў аўтарскую перадачу на Свабода (радыё); ягоныя творы друкаваліся ў вядомых амэрыканскіх часопісах «The New Yorker», «Partisan review».

Надмагільны помнік Сяргею Даўлатаву на могілках у Нью-Ёрку

Сяргей Даўлатаў памёр 24 жніўня 1990 года ў Нью-Ёрку, дзе і пахаваны на габрэйскіх могілках.^[3]

Памяць

• У жніўні 2007 году ў Санкт-Пецярбургу на сьцяне дому 23 па вул. Рубінштэйну, дзе жыў пісьменьнік у 70-я гады XX ст., усталяваная памятная шыльда ^[4].
• Памятная шыльда ўсталяваная таксама на сьцяне дому 41 па вул. Вабрыку (Vabriku) (да 1990 году - вул. Рабчынскага) у Таліне, дзе Даўлатаў жыў у 1972-1975 гадах падчас працы ў мясцовых газэтах ^[5].
• Часопіс Звезда ўручае літаратурную прэмію імя Сяргея Даўлатва.