Сяргей Жыгалка

Сярге́й Алякса́ндравіч Жыга́лка (нар. 28 сакавіка 1989, Менск, БССР) — беларускі шахматны гросмайстар. Трохразовы чэмпіён Беларусі, чэмпіён Эўропы і сьвету ў сваёй узроставай катэгорыі.

Сяргей Жыгалка
Імя	Сяргей Аляксандравіч Жыгалка
Краіна	Беларусь
Нарадзіўся	28 сакавіка 1989 (36 гадоў) Менск
Званьне	гросмайстар (2007) міжнародны майстар (2004)
Рэйтынг ФІДЭ	2610 (верасень 2025)
Максымальны рэйтынг	2696 (верасень 2011)
Сяргей Жыгалка ў Вікісховішчы

Вікіпэдыя мае артыкулы пра іншых асобаў з прозьвішчам Жыгалка (неадназначнасьць).

Кар’ера

Сяргей Жыгалка перамагаў на чэмпіянаце Эўропы і чэмпіянаце сьвету да 14 гадоў 2003 року, а таксама на чэмпіянаце Эўропы да 18 гадоў 2006 року.

У 2007 року ўпершыню выступіў на кубку сьвету ФІДЭ, дзе выбыў у першым туры. У 2009 року на тайбрэйку саступіў першае месца моладзевага чэмпіянату сьвету Максіму Ваш’е-Ляграву^[1].

Чэмпіён Беларусі 2009, 2012 і 2013 рокаў^[2][3].

У 2011 заняў 5-е месца на чэмпіянаце Эўропы і заваяваў права ўдзелу ў кубку сьвету, дзе саступіў у першым коле Антону Філіпаву. У 2011 і 2012 роках перамог на Адкрытым чэмпіянаце Баку^[4].

На кубку сьвету-2015 дайшоў да другога кола, дзе саступіў Весяліну Тапалаву. Праз два гады ў першым коле прайграў Юрыю Кузубаву, пазьней стаў чэмпіёнам Эўропы па бліцы ў Катавіцах^[5].

Камандныя спаборніцтвы

Сяргей Жыгалка выступаў за нацыянальную зборную на Алімпіядзе, чэмпіянаце сьвету, Эўропы і дзіцячай Алімпіядзе.

Сям’я

Мае брата Андрэя, таксама гросмайстра.