Сяргей Лагадзінскі

Сяргей Лагадзінскі (па-расейску: Сергей Лагодинский, па-нямецку: Sergey Lagodinsky; нар. 1 сьнежня 1975, Астрахань, РСФСР, СССР^[3]) – нямецкі палітык, юрыст і журналіст расейскага й габрэйскага паходжаньня, дэпутат Эўрапейскага парлямэнту IX скліканьня ад партыі Саюз 90/Зялёныя.

Сяргей Лагадзінскі
Дата нараджэньня	1 сьнежня 1975(1975-12-01)[1] (49 гадоў)
Месца нараджэньня	Астрахань, РСФСР, СССР
Месца вучобы	Школа кіраваньня імя Джона Ф. Кенэдзі[d] Сусветная стыпендыяльная праграма Ельскага ўніверсітэта[d][2]
Занятак	юрыст, адвакат, палітык
Сайт	lagodinsky.de (ням.)
Сяргей Лагадзінскі ў Вікісховішчы

Біяграфія

Нарадзіўся ў габрэйскай сям’і ў СССР, перасяліўся ў Нямеччыну ў 1993 годзе^[4]. Пазьней стаў чальцом бэрлінскага аддзяленьня габрэйскай абшчыны^[5].

У Гётынгенскім унівэрсытэце атрымаў адукацыю ў галіне права, у Гарвардзкім унівэрсытэце – у галіне дзяржаўнага кіраваньня. Атрымаў ступень доктара права ў Бэрлінскім унівэрсытэце імя Гумбальта(be)^[6].

Працаваў у міжнароднай юрыдычнай фірме «Orrick, Herrington & Sutcliffe»^[6]. У 2003–2008 гадох працаваў праграмным дырэктарам і дарадцаю ў бэрлінскай сядзібе Амэрыканскага габрэйскага камітэту(pl)^[7]. Таксама займаўся журналісцкай дзейнасьцю, у тым ліку для «Deutschlandradio(pl)», «Нямецкай хвалі», «Сусьветнай службы Бі-Бі-Сі», «Süddeutsche Zeitung(be)» i «Die Welt(be)»^[7].

У 2001 годзе далучыўся да Сацыял-дэмакратычнай партыі Нямеччыны, у якой заснаваў працоўную групу, якая аб’ядноўвала сацыял-дэмакратаў габрэйскага паходжаньня^[4]. Выйшаў з партыі ў 2011 годзе, раскрытыкаваўшы ейную пазыцыю ў дачыненьні да Ціла Сарацына(uk)^[4]. Пазьней пачаў працаваць у Фондзе Гайнрыха Бёля(uk), дзе быў кіраўніком аддзелу па справах Эўрапейскага Зьвязу й Паўночнай Амэрыкі^[6].

Сяргей Лагадзінскі пра сябе ў відэа для Фонду Гайнрыха Бёля(uk)/Эўрапейскага зялёнага фонду(pl)

У 2011 годзе далучыўся да партыі Саюз 90/Зялёныя^[8]. На выбарах 2019 году быў абраны ў Эўрапейскі парлямэнт IX скліканьня па партыйным сьпісе^[9].

14 верасьня 2020 году ўзяў шэфства над Максімам Знакам, беларускім адвакатам і палітычным вязьнем^[10][11].