Сяргей Мартынаў

Сярге́й Мікала́евіч Марты́наў (нарадзіўся 22 лютага 1953, Ленінакан, Армянская ССР, цяпер Гюмры, Армэнія) — беларускі палітычны дзяяч, дыплямат.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сяргей Мартынаў (неадназначнасьць).

Сяргей Мартынаў лац. Siarhiej Martynaŭ
Міністар замежных справаў Рэспублікі Беларусь
21 сакавіка 2003 — 20 жніўня 2012
Прэзыдэнт	Аляксандар Лукашэнка
Прэм’ер-міністар	Генадзь Навіцкі, Сяргей Сідорскі
Папярэднік	Міхаіл Хвастоў
Наступнік	Уладзімер Макей
Надзвычайны і Паўнамоцны Амбасадар Рэспублікі Беларусь у Злучаных Штатах Амэрыкі
Прэзыдэнт	Аляксандар Лукашэнка
Наступнік	Валер Цапкала
Асабістыя зьвесткі
Нарадзіўся	22 лютага 1953 (72 гады) Ленінакан, Армянская ССР
Адукацыя	Маскоўскі дзяржаўны інстытут міжнародных зносін
Узнагароды	Ордэн Айчыны 3 ступені (Беларусь) Ордэн Пашаны (Беларусь)

Біяграфія

Скончыў Маскоўскі дзяржаўны інстытут міжнародных зносін у 1975.

У 1975—1980 працаваў другім, пасьля першым сакратаром у аддзеле міжнародных эканамічных арганізацыяў Міністэрства замежных справаў БССР. У 1980—1988 — памагаты Міністра замежных справаў. У 1988—1991 — намесьнік начальніка аддзелу міжнародных арганізацыяў Міністэрства замежных справаў.

У 1991—1992 — намесьнік Пастаяннага прадстаўніка Рэспублікі Беларусь пры Арганізацыі Аб’яднаных Нацыяў у Нью-Ёрку.

У 1992—1993 — Часовы павераны ў справах Рэспублікі Беларусь у ЗША. У 1993—1997 — Надзвычайны і Паўнамоцны Амбасадар Рэспублікі Беларусь у ЗША^[1], з 3 сьнежня 1994 году быў таксама амбасадарам у Мэксыцы па сумяшчальніцтве^[2][3].

У 1997—2001 — Першы намесьнік Міністра замежных справаў Рэспублікі Беларусь.

15 траўня 2001—2003 — Надзвычайны і Паўнамоцны Амбасадар Рэспублікі Беларусь у Каралеўстве Бэльгія, Пастаянны прадстаўнік Рэспублікі Беларусь пры Эўрапейскіх супольнасьцях, Пастаянны прадстаўнік Рэспублікі Беларусь пры Арганізацыі Паўночнаатлянтычнае дамовы^[4].

Ад 21 сакавіка 2003 да 20 жніўня 2012 — Міністар замежных справаў Рэспублікі Беларусь^[5].

Валодае ангельскай, францускай і суахілі. Аўтар публікацыяў па праблеме міжнародных адносінаў.

Узнагароды

14 лютага 2003 году ўзнагароджаны Ганаровай граматай Савету Міністраў Рэспублікі Беларусь^[6], а 25 лютага 2008 году — Ганаровай граматай Нацыянальнага сходу Рэспублікі Беларусь^[7].

Сям’я

Жанаты, мае двух сыноў.