Томаш Форналь

То́маш Фо́рналь (па-польску: Tomasz Fornal; 31 жніўня 1997 году) — польскі валейбаліст, бакавы нападнік турэцкага клюбу «Зыраат» і зборнай Польшчы.

Томаш Форналь
Пэрсанальная інфармацыя
Нарадзіўся	31 жніўня 1997(1997-08-31) (28 гадоў) Кракаў, Польшча
Рост	200 см
Пазыцыя	бакавы нападнік
Клюбная інфармацыя
Клюб	Зыраат[d]
Клюбы
Гады	Клюб
2016—2019	Чарні Радам[d]
2019—2025	Ястшэмбскі Вэнгель
2025—4	Зыраат[d]
Зборныя
2018—4	Польшча[d]

Кар’ера

Клюбная

У 2016 годзе ён дэбютаваў у Плюс-лізе ў складзе клюбу «Чарні». У 2019 годзе зьмяніў клюб, далучыўшыся да «Ястшэмбскага Вэнгеля», зь якім стаў чэмпіёнам краіны ў сэзоне 2020—2021 гадоў^[1] і Супэркубак Польшчы 2022 году^[2]. У 2023 годзе разам з клюбам стаў уладальнікам срэбных мэдалёў Лігі чэмпіёнаў 2022—2023 гадоў, прайграўшы у фінале клюбу ЗАКСА, то бок у першым у гісторыі цалкам польскім фінале галоўнага клюбнага першынства Эўропы^[3]. Улетку 2025 году афіцыйна далучыўся да турэцкага клюбу «Зыраат»^[4].

Міжнародная

Прыцягваўся да юнацкага і моладзевага складу зборнай Польшчы. У 2022 годзе здабыў бронзавы мэдаль у складзе зборнай Польшчы ў Лізе нацыяў 2022 году^[5]. У тым жа годзе ён выйграў срэбны мэдаль на чэмпіянаце сьвету 2022 году, які сумесна ладзіўся ў Польшчы і Славеніі^[6]. У ліпені 2023 году стаў пераможцам Лігі нацыяў 2023 году ў складзе зборнай^[7]. У верасьні 2023 году атрымаў залаты мэдаль на чэмпіянаце Эўропы 2023 году, перамогшы ў фінале дзейных чэмпіёнаў сьвету зборную Італіі^[8]. У жніўні 2024 году выйграў срэбны мэдаль на летніх Алімпійскіх гульнях 2024 году ў Парыжы^[9].