Трышын

Тры́шын — былая вёска, цяпер мікрараён у складзе Берасьця.

Трышын
Агульныя зьвесткі
Краіна	Беларусь
Статус	мікрараён
Уваходзіць у	Берасьце
Дата ўтварэньня	1968
Шырата	52.093034
Даўгата	23.752248
Месцазнаходжаньне Трышыну
Мэдыя-зьвесткі
Часавы пас	+3
Летні час	+3
Скарачэньне	FET
Тэлефонны код	+375 162
вёска Трышын на пачатку XX стагодзьдзя
Дадатковыя мультымэдыйныя матэрыялы

Мінуўшчына

Першыя архіўныя згадкі пра вёску датаваныя 1596 рокам^[1]. Уваходзіла ў склад уладаньняў япіскапаў Уладзімерска-Берасьцейскай уніяцкай япархіі.

За расейскім часам — вёска і фальварак у Косіцкай воласьці Берасьцейскага павету Гарадзенскай губэрні^[2]. На пачатку XX стагодзьдзя вёска, два маёнткі і ўрочышча, 350 чалавек^[3].

За польскім часам — вёска^[4] і фальварак у гміне Косічы Берасьцейскага павету Палескага ваяводзтва^[5].

З 1939 — у складзе БССР, ад 1940 цэнтар сельсавету і калгасу «Маладая гвардыя» Берасьцейскага раёну.

У 1968 вёска ўлучаная ў склад места Берасьце^[6]. З 1978 у складзе Маскоўскага раёну.

Мікрараён

У 2012 на месцы вёскі Трышын распачатае будаўніцтва аднайменнага мікрараёну, абмежаванага вуліцамі Маскоўскай, Багданчука, Васьняцова^[1].

Турыстычная інфармацыя

• Бескурганны могільнік (II—III стагодзьдзі н. э.)^[3]. Застаўся ад плямёнаў вельбарскай культуры^[7]
• Трышынскія могілкі(pl)
• Абэліск у гонар расейскага вайскавода Аляксандра Суворава (1952)^[8], які быў тут падчас здушэньня паўстаньня Касьцюшкі^[9].
• Санаторная школа інтэрнат па вуліцы Трышынскай, 20 — былая сядзіба ўкраінскага пісьменьніка Аляксея Старажэнкі^[10]