Тураўскі местачковы савет

Ту́раўскі местачковы савет, Ту́раўскі 1-ы сельсавет — былая адміністрацыйна-тэрытарыяльная адзінка ў складзе Тураўскага раёну Палескай вобласьці. Адміністрацыйны цэнтар — мястэчка Тураў (цяпер места).

Гісторыя

29 жніўня 1919 году створаны ў складзе Тураўскай воласьці Мазырскага павету Гомельскай (з 10 жніўня 1920 году — Менскай) губэрні РСФСР (з 1 студзеня 1919 году — Беларускай ССР), з 10 жніўня 1920 году да 17 ліпеня 1924 году — Тураўскай воласьці Мазырскага павету Менскай губэрні (да 18 сакавіка 1921 году), з 20 жніўня 1924 году — Тураўскага раёну Мазырскай акругі (ліпень 1924 году — 26 ліпеня 1930 году, 21 чэрвеня 1935 году — 20 лютага 1938 году), з 20 лютага 1938 году — Палескай вобласьці^[1][2].

Згодна з указам Прэзыдыюму Вярхоўнага Савету БССР ад 27 верасьня 1938 году, мястэчка Тураў атрымала афіцыйны статус пасёлку гарадзкога тыпу. У сувязі з гэтым местачковы савет быў рэарганізаваны ў пасялковы савет.

Насельніцтва

• 1 студзеня 1933 году — 2157 жыхароў, 399 двароў^[3]

Населеныя пункты

• 1 студзеня 1933 году — 1^[3]