Тым Кляйндынст

Тым Кля́йндынст (па-нямецку: Tim Kleindienst; нар. 31 жніўня 1995 году) — нямецкі футбаліст, нападнік клюбу «Барусія» (Мёнхэнглядбах) і нацыянальнай зборнай Нямеччыны.

Тым Кляйндынст
Пэрсанальная інфармацыя
Нарадзіўся	31 жніўня 1995(1995-08-31)[1] (30 гадоў) Ютэрбаг[d], Тэльтаў-Флёмінг[d], Брандэнбург, Нямеччына
Рост	194 см
Вага	82 кг
Пазыцыя	нападнік
Клюбная інфармацыя
Клюб	Барусія Мёнхэнглядбах
Нумар	11
Клюбы
Гады	Клюб	Гульні (галы)¹
2013	Энэргі Котбус II[d]	4 (0)
2013—2015	Энэргі Котбус	37 (13)
2015—2019	Фрайбург	33 (2)
2016—2017	→ Гайдэнгайм	27 (7)
2019—2020	Гайдэнгайм	27 (14)
2020—2021	Гент	15 (1)
2021	→ Гайдэнгайм	15 (11)
2021—2024	Гайдэнгайм	95 (47)
2024—4	Барусія Мёнхэнглядбах	31 (16)
Зборныя
2014—2016	Нямеччына (да 20)[d]	10 (0)
2024—4	Нямеччына	6 (4)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 23 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 24 сакавіка 2025.

Кар’ера

Клюбная

Выхаванец клюбу «Энэргі». У складзе клюбу дэбютаваў у матчы Бундэсьлігі 2, згуляўшы 14 сьнежня 2013 году супраць «Фартуны». Паводле вынікаў сэзону котбускі клюб вылецеў у трэці дывізіён, дзе Кляйндынст стаў ключавым гульцом. Пасьля быў футбалістам «Фрайбургу» і «Гайдэнгайму», гуляючы пераважна ў другім дывізіёне. Толькі ў сэзоне 2017—2018 гадоў стала выходзіў на поле ў матчах Бундэсьлігі ў кашулі «Фрайбургу». Частку сэзону 2020—2021 гадоў гуляў у бэльгійскім чэмпіянаце, баронячы колеры «Генту».

У чэрвені 2021 году Кляйндынст вярнуўся ў «Гайдэнгайм», падпісаўшы кантракт да 2025 году^[2]. У апошнім туры сэзону 2022—2023 гадоў забіў гол на 99-й хвіліне ў кампэнсаваны час, забясьпечыўшы перамогу над «Янам Рэгенсбургам» зь лікам 3:2, дзякуючы чаму клюб заняў першы радок у табліцы і ўпершыню ў гісторыі прабіўся ў Бундэсьлігу^[3]. У тым сэзоне нападнік быў найлепшым бамбардзірам лігі з 25 галамі^[4]. 6 красавіка 2024 году зрабіў дубль у матчы супраць «Баварыі», што прывяло да перамогі зь лікам 3:2^[5]. Пасьля нядрэнна сэзону далучыўся да мёнхэнглядбаскай «Барусіі»^[6].

Міжнародная

3 кастрычніка 2024 году быў упершыню выкліканы ў нацыянальную зборную Нямеччыны^[7]. Праз восем дзён дэбютаваў у асноўным складзе, выйшаўшы ў стартавым складзе ў выязным матчы супраць зборнай Босьніі і Герцагавіны ў рамках Лігі нацыяў^[8]. 16 лістапада таго ж году адзначыўся дублем у браму зборнай Босьніі і Герцагавіны ў тым жа турніры^[9].