Управа ўнутраных справаў Магілёўскага аблвыканкаму

Упра́ва ўну́траных спра́ваў Магілё́ўскага аблвыканка́му — абласная ўправа Міністэрства ўнутраных справаў Рэспублікі Беларусь па Магілёўскай вобласьці.

Управа ўнутраных справаў Магілёўскага аблвыканкаму
Абрэвіятура	УУС МАВК
Дэвіз	Служым закону, народу, Айчыне
Тып	праваахоўная
Юрыдычны статус	дзяржаўная ўстанова
Штаб-кватэра	Ленінскі раён, вул. К. Маркса, д. 25[1]
Месцазнаходжаньне	Магілёў
Дзейнічае ў рэгіёнах	Магілёўская вобласьць
Сяброўства	Міністэрства ўнутраных справаў Рэспублікі Беларусь
Афіцыйныя мовы	беларуская, расейская
Начальнік	Ігар Шчарбачэня
1-ы намесьнік	Аляксандар Германовіч
Намесьнікі	Уладзімер Рыжанкоў, Натальля Сіманава[2]
Матчына кампанія	Магілёўскі абласны выканаўчы камітэт
Зьвязаныя кампаніі	УУС Бабруйскага гарвыканкаму, Магілёўскі аддзел унутраных справаў на транспарце
Сайт	mogilev.mvd.gov.by

Месьціцца ў Магілёве па вуліцы К. Маркса, д. 25. Мае ў падпарадкаваньні раённыя і мескія аддзелы ўнутраных справаў Магілеўскае вобласьці. Начальнік УУС прызначаецца міністрам унутраных справаў. Начальнік УУС мае званьне генэрал-маёр міліцыі.

Склад

На 2021 год УУС Магілёўскага аблвыканкаму ўлучала:

• крымінальную міліцыю ў складзе 4-х управаў^[3] — 1) крымінальнага вышуку, 2) наркакантролю і супрацьдзеяньня гандлю людзьмі, 3) барацьбы з эканамічнымі злачынствамі, 4) супрацьдзеяньня кібэрзлачыннасьці;
• міліцыю грамадзкай бясьпекі, што ўлучала: 3 управы — 1) аховы правапарадку і прафіляктыкі, 2) дзяржаўнай аўтамабільный інспэкцыі, 3) грамадзянства і міграцыі; 2 аддзелы — 1) апэратыўна-дзяжурнай службы, 2) наглядна-выканаўчай дзейнасьці; 2 бюро — 1) адрасна-даведкавае, 2) пашпартызацыі насельніцтва; спэцыялізаваны ізалятар;
• падразьдзяленьні кадраў і ідэалягічнай працы, у тым ліку: 2 аддзелы — 1) кадраў, 2) ідэалягічнай працы; 2 цэнтры — 1) культурна-выхаваўчай працы, 2) падрыхтоўкі асабістага складу; групу псыхалягічнага забесьпячэньня;
• іншыя 8 падразьдзяленьняў, у тым ліку: 4 управы — 1) 11-я Галоўнай управы барацьбы з арганізаванай злачыннасьцю і карупцыяй, 2) Галоўнай управы ўласнай бясьпекі, 3) Дэпартамэнту аховы, 3) фінансаў і тылу; аддзел абароны дзяржаўных сакрэтаў і дакумэнтацыйнага забясьпячэньня, аддзяленьне інфармацыі і грамадзкіх сувязяў, штаб і інфармацыйны цэнтар^[4];
• 25 тэрытарыяльных падразьдзяленьняў, зь іх 21 у раёнах вобласьці, 2 у Кастрычніцкім і Ленінскім раёнах Магілёва, а таксама УУС Бабруйскага гарвыканкаму і Магілёўскі аддзел унутраных справаў на транспарце^[5].

Тэрытарыяльныя падразьдзяленьні

На 2021 год УУС Магілёўскага аблвыканкаму налічвала 25 тэрытарыяльных падразьдзяленьняў, у тым ліку Магілёўскі аддзел унутраных справаў на транспарце і УУС Бабруйскага гарвыканкаму, Кастрычніцкі і Ленінскі раённыя аддзелы ўнутраных справаў (РАУС) Магілёва, а таксама 21 РАУС у раёнах Магілёўскай вобласьці: Амсьціслаўскі, Асіпавіцкі, Бабруйскі, Быхаўскі, Бялыніцкі, Глускі, Горацкі, Дрыбінскі, Касьцюковіцкі, Клімавіцкі, Клічаўскі, Качэрыцкі, Краснапольскі, Круглянскі, Крычаўскі, Магілеўскі, Прапойскі, Хоцімскі, Чавускі, Чэрыкаўскі і Шклоўскі^[5].