Уладзімер Грыгор’еў

Уладзімер Віктаравіч Грыгор’еў (5 красавіка 1941; в. Канічы Бялынкавіцкага сельсавету Касьцюковіцкага раёну, цяпер Беларусь — 17 жніўня 2011, Менск) — беларускі палітык і дыплямат.

Уладзімер Грыгор’еў
Надзвычайны і Паўнамоцны Амбасадар Рэспублікі Беларусь у Расейскай Фэдэрацыі
5 сьнежня 1997 — 4 жніўня 2006
Прэзыдэнт	Аляксандар Лукашэнка
Прэм’ер-міністар	Сяргей Лінг, Уладзімер Ярмошын, Генадзь Навіцкі, Сяргей Сідорскі
Папярэднік	Віктар Даніленка
Наступнік	Васіль Далгалёў
Асабістыя зьвесткі
Нарадзіўся	5 красавіка 1941 вёска Канічы, Касьцюковіцкі раён, Магілёўская вобласьць, Беларуская ССР, СССР
Памёр	17 жніўня 2011[1] Менск, Беларусь
Партыя	КПСС (ад 1960) Беларуская сацыялістычная партыя (1995)
Адукацыя	эканамічны факультэт БДСГА[d]
Узнагароды	Ордэн Айчыны 2 ступені (Беларусь) Ордэн Айчыны 3 ступені (Беларусь)

У 1969 годзе скончыў Беларускую сельскагаспадарчую акадэмію. Член Беларускай сацыялістычнай партыі. Займаў пасаду генэральнага дырэктара Віцебскага адкрытага акцыянэрнага таварыства «Даламіт». 5 сьнежня 1997 году прызначаны амбасадарам у Расейскай Фэдэрацыі^[2], адстаўлены быў 4 жніўня 2006 году^[3].

11 верасьня 1997 году ўзнагароджаны Ганаровай граматай Савету Міністраў Рэспублікі Беларусь^[4], а 26 сакавіка 2001 году — Ганаровай граматай Нацыянальнага сходу Рэспублікі Беларусь^[5]. Кавалер ордэна Айчыны III (5 красавіка 2001)^[6] і ІІ ступені (31 жніўня 2006)^[7]. Адзначаны найвышэйшай узнагародай Міжнароднага дабрачыннага фонду «Мецэнаты стагодзьдзя» — Срэбным крыжам ордэну «Мецэнат» (сакавік 2005)^[8].