Уладзімер Каранік

Уладзі́мер Сьцяпа́навіч Кара́нік (нар. 1973, Горадня, цяпер Беларусь) — беларускі дзяржаўны дзяяч, лекар-анколяг.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Каранік.

Уладзімер Каранік
15-ы старшыня Нацыянальнай акадэміі навук Беларусі
22 траўня 2025 — цяперашні час
Прэзыдэнт	Аляксандар Лукашэнка
Прэм’ер-міністар	Аляксандар Турчын
Папярэднік	Уладзімер Гусакоў
Старшыня Гарадзенскага аблвыканкаму
22 жніўня 2020 — 3 сакавіка 2025
Папярэднік	Уладзімер Краўцоў
Наступнік	Юры Караеў
Міністар аховы здароўя Рэспублікі Беларусь
11 чэрвеня 2019 — 22 жніўня 2020
Прэзыдэнт	Аляксандар Лукашэнка
Прэм’ер-міністар	Сяргей Румас Раман Галоўчанка
Папярэднік	Валеры Малашка
Наступнік	Зьміцер Піневіч
Асабістыя зьвесткі
Нарадзіўся	1973 (52 гады) Горадня, Беларуская ССР, Савецкі Саюз
Адукацыя	Гарадзенскі дзяржаўны мэдыцынскі інстытут
Бацька	Сьцяпан Каранік
Узнагароды

15-ы старшыня Нацыянальнай акадэміі навук Беларусі (ад 22 траўня 2025 году). 9-ы міністар аховы здароўя Беларусі (2019—2020). Старшыня Гарадзенскага аблвыканкаму (2020—2025). Кандыдат мэдычных навук (2006)^[1].

Жыцьцяпіс

У 1996 годзе скончыў Гарадзенскі дзяржаўны мэдыцынскі інстытут. Кандыдат мэдычных навук (2006).

З 1996 па 2011 год працаваў на розных пасадах у Рэспубліканскім навукова-практычным цэнтры анкалёгіі і мэдыцынскай радыялёгіі імя Н. Н. Аляксандрава (раней — Навукова-дасьледчы інстытут анкалёгіі і мэдыцынскай радыялёгіі імя Н. Н. Аляксандрава). Быў доктарам-стажорам, малодшым навуковым супрацоўнікам, навуковым супрацоўнікам аддзяленьня таракальнай анкапаталёгіі, таракальным хірургам (загадчыкам) РНПЦ. З 2011 году займаў пасаду галоўнага ўрача Менскага гарадзкога клінічнага анкалягічнага дыспансэру. У 2010 і 2014 гадох прайшоў перападрыхтоўку ў |Беларускай мэдычнай акадэміі пасьлядыплёмнай адукацыі^[1].

11 чэрвеня 2019 году прызначаны Міністрам аховы здароўя Беларусі^[2]. 22 жніўня пераведзены на пасаду старшыні Гарадзенскага аблвыканкаму.

22 жніўня 2020 году прызначаны старшынём Гродзенскага абласнога выканаўчага камітэту^[3].

3 сакавіка 2025 году Уладзімер Каранік быў прызначаны намесьнікам прэм’ер-міністра Беларусі па сацыяльных пытаньнях^[4]. 22 траўня 2025 году атрымаў прызначэньне старшынёй Нацыянальнай акадэміі навук Беларусі.

Міжнародныя санкцыі

17 сьнежня 2020 году яго ўнёс у свой санкцыйны сьпіс Эўразьвяз^[5], 18 лютага 2021 году — Вялікабрытанія^[6], 22 сакавіка — Швайцарыя^[7]. 26 студзеня 2021 году да сьнежаньскага пакету санкцый ЭЗ далучыліся Альбанія, Ісьляндыя, Ліхтэнштайн, Нарвэгія, Паўночная Македонія, Чарнагорыя^[8]. У жніўні 2023 года да санкцый супраць Караніка далучылася Канада^[9].