Уладзімер Лапата-Загорскі

Уладзімер Мікалаевіч Лапата-Загорскі (нар. 1968, Берасьце) — беларускі дыплямат.

Уладзімер Лапата-Загорскі
Надзвычайны і Паўнамоцны Амбасадар Рэспублікі Беларусь у Рэспубліцы Інданэзія
8 лістапада 2011 — 14 верасьня 2017
Прэзыдэнт	Аляксандар Лукашэнка
Прэм’ер-міністар	Міхаіл Мясьніковіч
Папярэднік	не было
Наступнік	Валер Калесьнік
Надзвычайны і Паўнамоцны Амбасадар Рэспублікі Беларусь у Лібанскай Рэспубліцы
2 красавіка 2002 — 14 жніўня 2008
Прэзыдэнт	Аляксандар Лукашэнка
Асабістыя зьвесткі
Нарадзіўся	1968 Берасьце, БССР, СССР
Адукацыя	Маскоўскі дзяржаўны інстытут міжнародных зносін
Маці	Ніна Загорская

Біяграфія

Нарадзіўся ў 1968 годзе. Маці — Ніна Загорская, беларуская паэтка, бацька — Мікалай Лапата. У 1994 годзе скончыў Маскоўскі дзяржаўны інстытут міжнародных зносін.

21 сьнежня 2000 году прызначаны Надзвычайным і Паўнамоцным Амбасадарам Рэспублікі Беларусь у Сырыйскай Арабскай Рэспубліцы^[1]. 2 красавіка 2002 году прызначаны амбасадарам у Лібанскай Рэспубліцы па сумяшчальніцтве^[2]. 19 ліпеня 2005 году быў дадаткова прызначаны амбасадарам у Ярданскім Хашыміцкім Каралеўстве^[3]. 14 жніўня 2008 году быў адстаўлены з усіх гэтых пасадаў^[4].

8 лістапада 2011 году прызначаны амбасадарам Беларусі ў Інданэзіі^[5], 21 лютага 2012 г. — амбасадарам па сумяшчальніцтве ў Аўстраліі (да 2014 году^[6]), Малайзіі, Сынгапуры і на Філіпінах^[7]. 10 верасьня 2013 году быў прызначаны дадаткова Пастаянным прадстаўнікам Рэспублікі Беларусь пры АСЕАН^[8].

14 верасьня 2017 году быў вызвалены з пасады амбасадара Рэспублікі Беларусь у Інданезіі і па сумяшчальніцтве ў Малайзіі, Сынгапуры і на Філіпінах, Пастаяннага прадстаўніка Рэспублікі Беларусь пры АСЕАН у сувязі зь пераводам да іншага наймальніка^[9].

9 кастрычніка 2008 году ўзнагароджаны Ганаровай граматай Нацыянальнага сходу Рэспублікі Беларусь^[10].