Уладзімер Сямашка

Уладзі́мер Ільлі́ч Сяма́шка (нарадзіўся 20 лістапада 1949 году, Каленкавічы, Гомельская вобласьць, Беларуская ССР) — беларускі дзяржаўны дзяяч, намесьнік прэм’ер-міністра Беларусі.

Вікіпэдыя мае артыкулы пра іншых асобаў з прозьвішчам Сямашка.

Уладзімер Сямашка лац. Uładzimier Siamaška
Першы намесьнік прэм’ер-міністра Рэспублікі Беларусь
24 сьнежня 2003 — 27 сьнежня 2014
Прэзыдэнт	Аляксандар Лукашэнка
Прэм’ер-міністар	Сяргей Сідорскі
Міністар энэргетыкі Рэспублікі Беларусь
12 сьнежня 2001 — 28 ліпеня 2003
Прэзыдэнт	Аляксандар Лукашэнка
Прэм’ер-міністар	Генадзь Навіцкі
Наступнік	Аляксандар Агееў
Асабістыя зьвесткі
Нарадзіўся	20 лістапада 1949 (75 гадоў) Каленкавічы, Гомельская вобласьць, БССР
Адукацыя	Машынабудаўнічы факультэт БНТУ[d] (1972)
Узнагароды	Ордэн Пашаны (Беларусь)

Біяграфія

Нарадзіўся ў Каленкавічах Гомельскае вобласьці ў 1949 годзе. У 1972 годзе скончыў Беларускі політэхнічны інстытут па спэцыяльнасьці інжынэр-мэханік.

У 1972—1974 гг. — у Савецкай Арміі.

З 1974 году інжынэр-канструктар, начальнік канструктарскага бюро машынабудаваньня, галоўны інжынэр каардынацыйнага вытворча-тэхнічнага комплексу спэцыяльнага машынабудаваньня заводу імя Дзяржынскага (цяпер ВА «Інтэграл»). З 1996 году — галоўны інжынэр КБ ВА «Інтэграл». 1996—2000 гг. — генэральны дырэктар менскага ВА «Гарызонт». З 2000 г. — генэральны дырэктар вытворчага рэспубліканскага ўнітарнага прадпрыемства «Завод „Гарызонт“».

З 12 сьнежня 2001 году — міністар энэргетыкі Рэспублікі Беларусь. Адначасова яму нададзеная найвышэйшая кляса дзяржаўнага службоўцы. 28 ліпеня 2003 году загадам прэзыдэнта прызначаны выканаўцам абавязкаў віцэ-прэм’ера Беларусі. З 24 сьнежня 2003 году па 18 жніўня 2018 году — першы намесьнік, намесьнік прэм’ер-міністра Рэспублікі Беларусь. 20 лютага 2004 году прызначаны прадстаўніком дзяржавы ў ААТ «Прыёрбанк». 25 ліпеня 2007 году ачоліў назіральную раду «Белтрансгазу». Зьяўляецца кіраўніком ЭБРР ад Рэспублікі Беларусь.

Амбасадар Беларусі ў Расеі з 2018 па 2022 гады.

Жанаты. Мае дзьвюх дачок.

Узнагароды

Падзяка прэзыдэнта Рэспублікі Беларусь за шматгадовую добрасумленную працу, вялікі асабісты ўнёсак у разьвіцьцё радыёэлектроннай прамысловасьці (2000). Падзяка прэзыдэнта Рэспублікі Беларусь за плённую працу ў органах дзяржаўнага кіраваньня (2001).

Узнагароджаны ордэнам Пашаны.

Вонкавыя спасылкі

• Старонка на праекце «Хто ёсьць хто ў Рэспубліцы Беларусь»(недаступная спасылка) (рас.)
• Старонка на сайце Савету Міністраў Рэспублікі Беларусь(недаступная спасылка)