Уладзіслаў Фядотаў

Уладзіслаў Фядотаў (нарадзіўся 8 лютага 1997 году) — беларускі футбаліст, паўабаронца.

Уладзіслаў Фядотаў
Пэрсанальная інфармацыя
Нарадзіўся	8 лютага 1997(1997-02-08)[1] (28 гадоў) Маладэчна, Менская вобласьць, Беларусь
Рост	172 см
Вага	63 кг
Пазыцыя	паўабаронца
Клюбы
Гады	Клюб	Гульні (галы)¹
2015	Маладэчна-2018	25 (2)
2016—2018	Іслач	6 (0)
2018	→ Ліда	9 (1)
2019	Маладэчна-2018	6 (0)
2019	Андэрдог	16 (0)
2020—2023	Маладэчна-2018	65 (0)
Зборныя
2016	Беларусь (да 21)	1 (0)

Кар’ера

Клюбная

Выхаванец маладэчанскай ДЮСШ-4. На дарослым узроўні дэбютаваў у 2015 годзе, выступаючы ў Другой лізе за ««Маладэчна-ДЮСШ-4». У сэзоне 2015 году правёў за маладэчанскі клюб 25 матчаў і забіў 2 галы. У студзені 2016 году падпісаў трохгадовы кантракт з дэбютантам беларускай Найвышэйшай лігі — клюбам «Іслач»^[2]. Сэзон 2016 году распачаў у дублюючым складзе. 7 ліпеня 2016 году дэбютаваў у Найвышэйшай лізе, выйшаўшы на замену ў канцы матча супраць БАТЭ (1:3). Пазьней яшчэ некалькі разоў зьяўляўся на полі ў асноўнай камадзе «Іслачы», выходзячы на замену.

Сэзон 2017 году пачынаў у дублі, але хутка атрымаў траўму. Вярнуўся на поле ў ліпені, у другой палове 2017 году працягваў гуляць за дубль, не зьяўляючыся ў асноўнай камандзе. У пачатку 2018 году трэнаваўся з асновай «Іслачы», аднак у лютым ня трапіў на другі турэцкі збор каманды^[3]. У сакавіку праходзіў прагляд у «Смаргоні»^[4], аднак гэтак і не перайшоў у гэты клюб. Толькі ў траўні вярнуўся ў «Іслач», дзе зноў стаў гуляць за дубль.

У ліпені 2018 году плянавалася аддаць паўабаронцу ў арэнду ў пінскую «Хвалю»^[5], аднак пераход не адбыўся, і футбаліст вярнуўся ў «Іслач»^[6]. У жніўні 2018 году на правах арэнды далучыўся да «Ліды»^[7], дзе быў гульцом першага складу. Па заканчэньні сэзону ў лістападзе 2018 году вярнуўся ў «Іслач»^[8], аднак у сакавіку 2019 году пакінуў клюб^[9].

У красавіку 2019 году зноў стаў гульцом «Маладэчна», а ў чэрвені таго ж году перабраўся ў «Андэрдог». У красавіку 2020 году, пасьля таго як чысьцінскі клюб ня быў дапушчаны да ўдзелу ў Першай лізе, вярнуўся ў «Маладэчна». Працягваў выступаць за каманду і пасьля таго, як у 2021 годзе яна далучылася да Першай лігі. Пакінуў маладэчанскі клюб у ліпені 2023 году^[10].

Міжнародная

11 лістапада 2016 году дэбютаваў у моладзевай зборнай Беларусі, выйшаўшы на замену ў канцы таварыскага матча супраць зборнай Украіны.

Статыстыка

Клюб	Сэзон	Чэмпіянат
		Дывізіён	Матчы	Галы
Іслач	2016	Найвышэйшая ліга	6	0
Ліда	2018	Першая ліга	9	1