Флёрыян Нойгаўс

Флёрыян Нойгаўс (па-нямецку: Florian Neuhaus; нар. 16 сакавіка 1997 году) — нямецкі футбаліст, паўабаронца мёнхэнглядбаскай «Барусіі» і нацыянальнай зборнай Нямеччыны.

Флёрыян Нойгаўс
Пэрсанальная інфармацыя
Нарадзіўся	16 сакавіка 1997(1997-03-16)[1] (28 гадоў) Ляндсбэрг-ам-Лех[d], Верхняя Баварыя[d], Баварыя, Нямеччына
Рост	1,82 м
Вага	68 кг
Пазыцыя	паўабаронца
Клюбная інфармацыя
Клюб	Барусія Мёнхэнглядбах
Нумар	10
Клюбы
Гады	Клюб	Гульні (галы)¹
2016	Мюнхэн-1860 II[d]	6 (1)
2016—2017	Мюнхэн-1860	12 (0)
2017—4	Барусія Мёнхэнглядбах	190 (22)
2017—2018	→ Фартуна Дусэльдорф	27 (6)
Зборныя
2016—2017	Нямеччына (да 20)[d]	6 (0)
2017—2019	Нямеччына (да 21)[d]	17 (1)
2020—2022	Нямеччына	10 (2)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 17 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 29 сакавіка 2022.

Кар’ера

Клюбная

Нойгаўс пачаў сваю кар’еру ў клюбе «Мюнхэн-1860»^[2], гуляючы як за другую каманду клюбу, гэтак і за першую. Праз добрую гульцу ў кашулі мюнхэнскага клюбу ў Бундэсьлізе 2 быў заўважаны адмыслоўцамі зь мёнхэнглядбаскай «Барусіі», якая запрасіла паўабаронцу да сябе ўлетку 2017. З гульцом быў умоўлены доўгатэрміновы кантракт^[3]. Тым ня менш, Нойгаўс адразу выправіўся ў арэнду да дусэльдорфскай «Фартуны», дзе за 26 матчаў здолеў здабыць шэсьць галоў і тры галявыя перадачы, чым дапамог клюбу падвысіцца з другога дывізіёну ў першы^[4]. Па вяртаньні з арэнды паўабаронца замацаваўся ў першай адзінаццатцы «Барусіі». З сэзону 2019—2020 гадоў стаў ключавым гульцом каманды Марка Розэ^[2]. У ліпені 2023 году падоўжыў кантракт з клюбам да 2027 году^[5].

Міжнародная

Нойгаўс прыцягваўся да матчаў моладзевай зборнай Нямеччыны. Да шыхтаў нацыянальнай зборнай Нямеччыны быў запрошаны ў верасьні 2020 году на матчы Лігі нацыяў супраць зборных Гішпаніі і Швайцарыі^[6]. Аднак, дэбютаваў паўабаронца ў кашулі зборнай 7 кастрычніка таго ж году ў таварыскім матчы супраць зборнай Турэччыны, у якім таксама адзначыўся першым голам^[7].