Фрэдзі Гуарын

Фрэдзі Алехандра Гуарын Васкес (па-гішпанску: Fredy Alejandro Guarín Vásquez; нар. 30 чэрвеня 1986 году, Пуэрта-Баяка, Калюмбія) — былы калюмбійскі футбаліст і гулец нацыянальнай зборнай Калюмбіі. Пераважна гуляў на пазыцыі цэнтральнага ці правага паўабаронцы.

Фрэдзі Гуарын
Пэрсанальная інфармацыя
Нарадзіўся	30 чэрвеня 1986(1986-06-30)[1][2][3][…] (39 гадоў) Пуэрта-Баяка[d], Баяка[d], Калюмбія
Рост	183 см
Вага	77 кг
Пазыцыя	паўабаронца
Клюбы
Гады	Клюб	Гульні (галы)¹
2002	Атлетыка Ўіля[d]	5 (0)
2003—2007	Энвігада[d]	38 (4)
2004—2007	→ Бока Хуніёрс	2 (0)
2006—2007	→ Сэнт-Эт’ен	18 (1)
2007—2008	Сэнт-Эт’ен	18 (0)
2008—2012	Порту	63 (11)
2012	→ Інтэрнацыянале	6 (0)
2012—2016	Інтэрнацыянале	108 (15)
2016—2019	Шанхай Шэньхуа[d]	83 (21)
2019—2020	Вашку да Гама	13 (3)
2021	Мільянарыяс	7 (1)
Зборныя
2003	Калюмбія (да 17)[d]	6 (2)
2003—2005	Калюмбія (да 20)[d]	7 (2)
2006—2015	Калюмбія	57 (4)

Кар’ера

«Бока Хуніёрс»

Фрэдзі Гуарын пачаў кар’еру ў клюбе «Энвігада». Праз год пасьля дэбюту ў асноўным складзе каманды, Гуарын быў арандаваны аргентынскім клюбам «Бока Хуніёрс», дзе адыграў толькі дзьве гульні. Вялікую частку часу ў «Боке», Гуарын выступаў за моладзевы склад клюбу. Толькі траўмы гульцоў асновы каманды, Сэбастыяна Батальлі й Фэрнанда Гага дазволілі дэбюту Гуарына адбыцца.

«Сэнт-Эт’ен»

У красавіку 2006 году «Бока» зрабіла спробу выкупіць трансфэр Гуарына за 500 тысячаў эўра, аднак той палічыў за лепшае зьехаць у Францыю, у клюб «Сэнт-Эт’ен». Ён дэбютаваў у складзе каманды 14 кастрычніка ў матчы Лігі 1 супраць клюбу «Ліён», у якім ягоны клюб атрымаў паразу зь лікам 1:2. У сакавіку 2007 году Фрэдзі забіў свой ​​першы мяч за «Сэнт-Эт’ен», паразіўшы браму «Труа».

«Порту»

11 ліпеня 2008 году Гуарын перайшоў у футбольны клюб «Порту», падпісаўшы кантракт на 4 гады^[4].

«Інтэрнацыянале»

31 студзеня 2012 году Фрэдзі на правах арэнды перайшоў у мілянскі «Інтэр». Кошт трансфэру склаў 1 млн эўра, прычым «нэрадзуры» атрымалі права на выкуп кантракту гульца па заканчэньні сэзону за 11 мн эўра^[5], чым італьянскі клюб скарыстаўся 17 траўня^[6].

Міжнародная кар’ера

24 траўня 2006 году Гуарын дэбютаваў у складзе зборнай Калюмбіі ў матчы супраць зборнай Эквадору. У тым жа годзе ён атрымаў перамогу ў турніры гульні Цэнтральнай Амэрыкі й Карыбскага басэйна.

Дасягненьні

«Бока Хуніёрс»:

• Чэмпіён Аргентыны: 2006 (к)

«Порту»:

• Чэмпіён Партугаліі: 2009, 2011, 2012
• Уладальнік Кубка Партугаліі: 2009, 2010, 2011
• Уладальнік Супэркубка Партугаліі: 2009, 2010, 2011
• Пераможца Лігі Эўропы: 2011

«Шанхай Шэньхуа»:

• Уладальнік Кубка кітайскай асацыяцыі: 2017