Вашку да Гама Рыю-дэ-Жанэйру

«Ва́шку да Га́ма» (па-партугальску: Vasco da Gama) — бразыльскі футбольны клюб з гораду Рыю-дэ-Жанэйру. Не зважаючы на тое, што спачатку гэта быў клюб акадэмічнага веславаньня, а потым стаў шматспартовым клюбам, «Вашку да Гама» сёньня найбольш вядомы сваёй мужчынскай футбольнай камандай^[3]. Клюб мае заўзятараў ва ўсім сьвеце і ўважаецца адным з самых улюбёных клюбаў у Бразыліі, штаце Рыю-дэ-Жанэйру і ўсёй Амэрыцы. Свае хатнія матчы дружына ладзіць на стадыёне Сан-Жануарыю з моманту ягонага адкрыцьця ў 1927 годзе. Часам клюб таксама гуляе на стадыёне Маракана з 1950 году. Галоўнымі супернікамі «Вашку да Гама» лічацца «Фламэнгу», «Флумінэнсі» і «Батафогу», але галоўнае супрацьстаяньне клюб мае з «Фламэнгу», матчы паміж гэтымі клюбамі зьбіраюць вялікую аўдыторыю.

Вашку да Гама
Поўная назва	Club de Regatas Vasco da Gama
Заснаваны	21 жніўня 1898
Горад	Рыю-дэ-Жанэйру, Бразылія
Стадыён	Сан-Жануарыю Умяшчальнасьць: 21 880[1]
Кіраўнік	777 Partners[d]
Галоўны трэнэр	Фабію Карыле[d][2]
Чэмпіянат	Сэрыя A
· 2024	10 месца
Галерэя здымкаў у Вікісховішчы vasco.com.br (парт.)

Гісторыя

У канцы XIX стагодзьдзя акадэмічнае веславаньне было найважнейшым відам спорту ў Рыю-дэ-Жанэйру. У гэты час чацьвёра маладых людзей, то бок Энрыке Фэрэйра Мантэйру, Луіс Антонію Радрыгес, Жузэ Алешандрэ д’Авэлар Радрыгес і Мануэл Тэйшэйра дэ Соўза Жуніяр, якія не жадалі ехаць у Нітэрой, каб веславаць на чоўнах клюбу Грагаата, таму пастанавілі стварыць уласны вясьлярны клюб. 21 жніўня 1898 году ў памяшканьні Драматычнага таварыства «Сыны Тальмы» 62 сяброў, пераважна партугальскіх імігрантаў, стварылі вясьлярны клюб «Вашку да Гама». Натхнёныя сьвяткаваньнем 4-га стагодзьдзя з дня першага плаваньня з Эўропы ў Індыю, заснавальнікі назвалі клюб у гонар партугальскага дасьледніка Вашку да Гамы^[4]. Колерамі клюбу былі абраныя чорны і белы. Чорны колер сымбалізаваў невядомыя моры, празь якія крочыў на караблях Вашку да Гама, а белы — ягоны пераможны шлях.

«Пераможны экспрэс».

26 лістапада 1915 году «Вашку» і яшчэ адзін спартовы клюб партугальскай супольнасьці «Лузітанія» аб’ядналіся, у выніку чаго была створаная футбольная каманда ў складзе клюбу. Пачынаючы з найніжэйшых ліг, першы матч клюбу адбыўся 3 траўня 1916 году, калі каманда саступіла «Паладына» зь лікам 10:1. У 1920-я гады футбол у Бразыліі стаў элітным спортам, таму расава разнастайная каманда «Вашку да Гамы» сустрэла незадавальненьне ў свой бок. Некаторыя гульцы павінны былі здаць экзамен на пісьменнасьць, перш чым абуць буцы.

Зоркі «Вашку да Гамы» 1950-х гадоў Вава, Бэліні і Арланду.

Свой першы тытул чэмпіёнаў штату Рыю-дэ-Жанэйру клюб здабыў у 1923 годзе. У 1924 годзе на каманду ціснула кіраўніцтва лігі, каб тая забараніла некаторым гульцам, якія не лічыліся прыдатнымі для гульні ў арыстакратычнай лізе, у прыватнасьці праз колер скуры і саслоўе. «Вашку да Гама» адмовіўся трымацца такой забароны, таму іншыя буйныя каманды, у тым ліку «Флумінэнсі», «Фламэнгу» і «Батафогу», стварылі ўласную атлетычную асацыяцыю і забаранілі «Вашку» браць удзел у спаборніцтвах. Аднак, барацьба прэзыдэнта клюбу за руйнаваньне расісцкіх бар’ераў прывяла да посьпеху празь некалькі гадоў. Паміж 1944 і 1953 гадамі клюб меў мянушку «Пераможны экспрэс», бо «Вашку» здабыў некалькі тытулаў у гэты час, стаўшы чэмпіёнам штату ў 1945, 1947, 1949, 1950 і 1952 гадах, а таксама пераможцам чэмпіянату Паўднёвай Амэрыкі сярод клюбаў, першым у сьвеце кантынэнтальным клюбным турніры, у 1948 годзе.

У 1957 годзе зорнае пакаленьне гульцоў каманды зьдзейсьніла турнэ па Эўропе, дзе здабыла 10 перамог запар. Былі пераможаныя мадрыдзкі «Рэал», «Атлетык» зь Більбао, «Барсэлёна», «Бэнфіка» ды іншыя. У пачатку 1958 году, наўпрост перад чэмпіянатам сьвету, «Вашку» выйграў турнір Рыю-Сан-Паўлу, папярэдніка чэмпіянату Бразыліі на той час, у якім бралі ўдзел такія легендарныя каманды, як то «Сантус» Пеле, «Батафогу» Гарынчы, «Фламэнгу» Загалу і «Флумінэнсі» Тэле Сантаны. У складзе каманды вылучаліся Вава, Арланду і Ілдэралду Бэліні, якія выканалі важную ролю і ў складзе зборнай Бразыліі на мундыяле. 1960-я гады былі цяжкім часам для клюбу, за выключэньнем 1965 і 1966 гадоў.

Дасягненьні

Клюбная кашуля клюбу на выставе.

• Чэмпіён Бразыліі: 4

1974, 1989, 1997, 2000

• Кубак Бразыліі: 1

2011

• Чэмпіён штату Рыю-дэ-Жанэйру: 24

1923, 1924, 1929, 1934, 1936, 1945, 1947, 1949, 1950, 1952

1956, 1958, 1970, 1977, 1982, 1987, 1988, 1992, 1993, 1994

1998, 2003, 2015, 2016

• Кубак Рыю: 1

1992, 1993

• Кубак Лібэртадорэс: 1

1998

• Кубак Мэркасур: 1

2000

Склад

Актуальны на 20 ліпеня 2025 году

№ Пазыцыя Імя Год нараджэньня 1 Бр Леў Жардым  1995 2 Аб Хасэ Люіс Радрыгес  1997 3 ПА Чэ Чэ  1992 4 Аб Маўрысьё Лемас  1995 6 Аб Лукас Пітон  2000 7 Нап Давід Карэя  1995 8 ПА Жаір 1994 10 ПА Філіпэ Каўтыньню 1992 12 Аб Віктар Луіс  1993 13 Бр Даніел Фузату  1997 14 ПА Гільермэ Эстрэльля 2005 15 Нап Бэнхамін Гарэ  2000 17 Нап Нуну Марэйра  1999 18 ПА Паўліньню  1997 19 Нап Габрыел Соўза  2005 20 ПА Хуан Сфорса  2002 21 Нап Жан Мэнэсэс  1993 22 Аб Паўліньню  2005

№ Пазыцыя Імя Год нараджэньня 23 ПА Т’ягу Мэндэс  1992 25 ПА Угу Моўра  1998 28 Нап Адсан  2000 29 Аб Лукас Алівэйра  1996 37 Бр Паблу 2003 38 Аб Жуан Віктар  1998 43 Аб Лукас Фрэйтас  2001 44 Аб Луіс Густаву 2006 45 Нап Лойдэ Аўгушту  2000 66 Аб Рыкелмэ 2002 77 Нап Раян  2006 85 ПА Матэўс Карвальлю  2002 90 Нап Алекс Тэйшэйра  1990 96 Аб Паўлу Энрыке  1996 99 Нап Паблё Вэгецьці  (капітан) 1988 — ПА Лукас Эдуарду 2004 — Аб Леандрыньню  2005 — Нап Пайшан  2004