Філіп Іха

Фі́ліп І́ха (па-чэску: Filip Jícha; нар. 19 красавіка 1982 году, Стары Пльзенец, ЧССР) — колішні чэскі гандбаліст, а цяпер галоўны трэнэр нямецкага клюбу «Кіль». У 2010 годзе быў прызнаны найлепшым гандбалістам сьвету.

Філіп Іха
Filip Jícha
Пэрсанальная інфармацыя
Нарадзіўся	19 красавіка 1982 (43 гады) Стары Пльзенец, ЧССР
Рост	201 см
Вага	103 кг
Пазыцыя	левы гульнёвы
Клюбы
Гады	Клюб
1988 1995—2000 2000 2000—2003 2003—2005 2005—2007 2007—2015 2015—2017	Стары Пльзенец Славія Пльзень Ковапэтрал Пльзень Дукла Прага Санкт-Отмар Лемга Кіль Барсэлёна	66 (405) 222 (1252)
Зборныя
2000—2016	Чэхія	158 (877)

Жыцьцяпіс

Займацца гандболам пачынаў у Старым Пльзенцу, у 1995—2000 выступаў за моладзевы склад пльзенскай «Славіі», адзін матч згуляў за «Ковапэтрал» Пльзень.

У 18&-гадовым узросьце падпісаў прафэсійны кантракт з праскай «Дуклай», дзе заставаўся да 2003 року. Непрацяглы час выступаў за саудаўскі клюб «Аль-Ахлі» з Джыды і катарскі «Аль-Ахлі Спорт Клюб», аднак у тым жа годзе вярнуўся ў Эўропу і далучыўся да швайцарскага клюбу «Санкт-Отмар». У 2004 року ізноў на пэўны час вярнуўся ў Катар.

З 2005 выступаў у бундэсьлізе, сьпярша ў «Лемга», дзе стаў першым чэхам, які заваяваў эўрапейскі трафэй — Кубак ЭГФ. 20 чэрвеня 2007 перайшоў у клюб «Кіль». У 2015 року заключыў 4-хгадовы кантракт з гішпанскай «Барсэлёнай». Скончыў кар’еру ў 2017.

У нацыянальнай зборнай дэбютаваў у 2000 року.

З жонкай Ганай маюць дачку Валерыю і сына Вінцэнца.

Вонкавыя спасылкі

• Афіцыйны сайт (чэс.) (ням.)
• Статыстыка выступаў за зборную (чэс.)