Хаві Мартынэс

Хавіер «Хаві» Мартынэс Агінага (па-басконску: Javier «Javi» Martínez Aguinaga; нар. 2 верасьня 1988 году, Эстэльля, Гішпанія) — гішпанскі футбаліст басконскага паходжаньня, паўабаронца. Былы гулец нацыянальнай зборнай Гішпаніі. Адзін з двух гульцоў у гісторыі сусьветнага футболу, які перамагаў спачатку на чэмпіянаце сьвету, а затым на моладзевым чэмпіянаце Эўропы^[4].

Хаві Мартынэс
Пэрсанальная інфармацыя
Нарадзіўся	2 верасьня 1988(1988-09-02)[1][2] (37 гадоў) Эстэльля[d], Навара, Гішпанія
Рост	1,92 м[3]
Вага	89 кг[3]
Пазыцыя	апорны паўабаронца, цэнтральны абаронца
Клюбная інфармацыя
Клюб	Al Bidaa SC[d]
Клюбы
Гады	Клюб	Гульні (галы)¹
2005—2006	Асасуна Б[d]	32 (3)
2006—2012	Атлетык Більбао	201 (22)
2012—2021	Баварыя	165 (9)
2021—2025	Катар Спортс[d]	71 (11)
2025—4	Al Bidaa SC[d]	0 (0)
Зборныя
2006—2010	Басконія[d]	2 (0)
2006—2007	Гішпанія (да 19)[d]	5 (0)
2007—2011	Гішпанія (да 21)[d]	24 (1)
2010—2014	Гішпанія	18 (0)
2012	Гішпанія (да 23)[d]	4 (1)

Кар’ера

Клюбная

Мартынэс зьяўляецца выхаванцам памплёнскай «Асасуны». Сэзон 2005—2006 гадоў правёў у дублюючай камандзе. Трэнэр «Асасуны» Хасэ Зыганда лічыў юніёра вельмі пэрспэктыўным, параўноўваючы яго з францускім паўабаронцам Патрыкам Віера.

Улетку 2006 году 17-гадовы Мартынэс перайшоў у «Атлетык». Сума трансфэру склала 6 млн эўра. Нягледзячы на юнацкі ўзрост, Хаві згуляў 35 матчаў і забіў 3 мячы. Ягоная гульня й хуткая адаптацыя вырабілі станоўчае ўражаньне на спэцыялістаў. У наступных сэзонах Мартынэс працягнуў прагрэсаваць, праводзячы ня менш за трыццаць матчаў за чэмпіянат.

Шырока ходзяць чуткі аб магчымым пераходзе Мартынэса ў больш прэстыжны клюб. У якасьці пакупнікоў зваліся «Лівэрпул»^[5], «Чэлсі»^[6] й «Фіярэнтына»^[7]. Агент футбаліста назваў прымальнай для трансфэру суму ў 30 млн эўра. У 2010 годзе Мартынэс быў прызнаны найлепшым маладым гульцом году паводле вэрсіі часопіса «Don Balón».

У жніўні 2012 году Мартынэс перайшоў у мюнхэнскую «Баварыю».

Міжнародная

11 траўня 2010 году настаўнік галоўнай зборнай Гішпаніі Вісэнтэ дэль Боске ўключыў Мартынэса ў заяўку на чэмпіянат сьвету 2010 году^[8]. 29 траўня Хавіер дэбютаваў у складзе асноўнай зборнай, замяніўшы Чаві ў матчы супраць зборнай Саудаўскай Арабіі.

Дасягненьні

«Баварыя»:

• Чэмпіён Нямеччыны: 2013, 2014, 2015, 2016, 2017, 2018, 2019, 2020, 2021
• Уладальнік Кубка Нямеччыны: 2013, 2014, 2016, 2019, 2020
• Уладальнік Супэркубка Нямеччыны: 2016, 2017, 2018, 2020
• Пераможца Лігі чэмпіёнаў: 2013, 2020
• Уладальнік Супэркубка Эўропы: 2013, 2020
• Перамжца клюбнага чэмпіянату сьвету: 2013, 2020

Гішпанія:

• Чэмпіён сьвету: 2010
• Чэмпіён Эўропы: 2012