Хатаўскі сельсавет

Хатаўскі́ сельсавет — былая адміністрацыйна-тэрытарыяльная адзінка ў складзе Стаўпецкага раёну Менскай вобласьці. Адміністрацыйны цэнтар — вёска Хатава.

Хатаўскі сельсавет
Агульныя зьвесткі
Краіна	Беларусь
Статус	сельсавет Беларусі[d] і былая адміністрацыйна-тэрытарыяльная адзінка[d]
Адміністрацыйны цэнтар	Хатава
Дата ўтварэньня	27 сакавіка 1959
Дата скасаваньня	24 сьнежня 2011
Насельніцтва (2011)	3045
Код аўтам. нумароў	5
Дадатковыя мультымэдыйныя матэрыялы

Гісторыя

12 кастрычніка 1940 году створаны ў складзе Івянецкага раёну Баранавіцкай вобласьці (з 8 студзеня 1954 году — Маладэчанскай вобласьці, з 20 студзеня 1960 году — Менскай вобласьці) з цэнтрам у вёсцы Хатава. 16 ліпеня 1954 году перайменаваны ў Мешыцкі, цэнтар перанесены ў вёску Мешычы. 27 сакавіка 1959 году зноў створаны Хатаўскі сельсавет (цэнтар — вёска Хатава), у склад якога перададзеныя населеныя пункты скасаваных Дзераўнянскага^[1], Мешыцкага і Таўкачоўшчынскага (частка)^[2] сельсаветаў^[3][4].

17 красавіка 1962 году раён скасаваны, сельсавет далучаны да Стаўпецкага раёну Менскай вобласьці.

5 сакавіка 1981 году адбылося перайменаваньне назвы сельсавету на расейскай мове — Хотовский на Хотовской. 14 лютага 1983 году частка сельсавету перададзеная ў склад навастворанага Цясноўскага сельсавету.

24 сьнежня 2011 году сельсавет перайменаваны ў Дзераўнянскі з цэнтрам у вёсцы Дзераўная^[5].

Насельніцтва

• 1 студзеня 2009 году — 3075 жыхароў

Населеныя пункты

• 1 студзеня 1947 году — 6^[6]
• 1 студзеня 1974 году — 27^[7]
• 1 студзеня 1981 году — 27^[8]
• 1 студзеня 1986 году — 17^[9]
• 1 студзеня 2009 году — 17