Хэтафэ

Хэтафэ (па-гішпанску: Getafe) — горад у цэнтральнай частцы Гішпаніі, месьціцца на поўдні аўтаномнай супольнасьці Мадрыд, за 13 кілямэтраў ад гішпанскай сталіцы. Заступнікам гораду лічыцца Маці Божая дэ лёс Анхелес.

Хэтафэ
гішп. Getafe
Герб Хэтафэ Сьцяг Хэтафэ
Краіна:	Гішпанія
Аўтаномная супольнасьць:	Мадрыд
Правінцыя:	Мадрыд
Кіраўнік:	Sara Hernández Barroso[d][1]
Плошча:	78,74 км²
Вышыня:	622 м н. у. м.
Насельніцтва (2011)
колькасьць:	170 115 чал.
шчыльнасьць:	2160,46 чал./км²
Часавы пас:	UTC+1
летні час:	UTC+2
Паштовы індэкс:	28901–28909
Геаграфічныя каардынаты:	40°18′0″ пн. ш. 3°43′0″ з. д.
Хэтафэ на мапе Гішпаніі Хэтафэ
Галерэя здымкаў у Вікісховішчы
http://www.getafe.es/

Гісторыя

Прысутнасьць людзей у гэтым рэгіёне ўзыходзіць да ніжняга палеаліту. Панаваньне рымлянаў у вобласьці Хэтафэ пачалося з II стагодзьдзя да н. э. Гэты раён быў пасьля захоплены шэрагам германскіх плямёнаў, такіх як свэвы, вандалы й вэстготы, а таксама аланы, якія маюць індаэўрапейскае паходжаньне.

У VIII стагодзьдзі Хэтафэ быў захоплены маўрамі. У 1085 годзе кароль Альфонса VI адаваяваў вёску. У 1326 годзе жыхары вёскі пераехалі бліжэй да каралеўскай дарогі, якая злучае Мадрыд і Таледа, у выніку стварыўшы новы горад, Хэтафэ. У тым жа стагодзьдзі ў горадзе быў пабудаваны манастыр Ля-Магдалена, які аднак быў зьнішчаны празь некалькі стагодзьдзяў.

У пэрыяд з 1808 па 1812 гады Хэтафэ быў акупаваны напалеонаўскімі войскамі.

Геаграфія

Хэтафэ знаходзіцца ў паўднёвай зоне аўтаномнай супольнасьці Мадрыд, на паўднёвым-захадзе Эўропы на Пірэнэйскім паўвостраве.

Гарады-сябры

• Даіра, Заходняя Сахара
• Гуанабакоа, Куба
• Хэтафэ, Філіпіны