Царква Ўшэсьця Гасподняга (Кіявічы)

Царква Ўшэсьця Гасподняга — царква ў вёсцыя Кіявічы Капыльскага раёну, пабудаваная ў 1882 годзе^[1].

Помнік гісторыі
Царква Ўшэсьця Гасподняга
Царква ў першай палове XX ст.
Краіна	Беларусь
Вёска	Кіявічы
Каардынаты	52°59′07″ пн. ш. 26°59′40.5″ у. д.
Канфэсія	Беларуская праваслаўная царква
Эпархія	Слуцкая япархія[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Ўшэсьця Гасподняга на мапе Беларусі Царква Ўшэсьця Гасподняга
Царква Ўшэсьця Гасподняга на Вікісховішчы

Гісторыя

На ўсходняй ускраіне вёскі. Пабудавана ў другой палове 19 стагодзьдзя на сродкі мясцовых жыхароў з цэглы на месцы храму 1752 году. Да 1990-х гг. знаходзілася ў паўзруйнаваным стане, адноўлена, дзейнічае.^[2].

Архітэктура

Падоўжна-восевая кампазыцыя, цаглянай, абтынкаванай Царква Ўшэсьця Гасподняга складаецца з асноўнага кубічнага аб’ёму, трохапсіднай алтарнай часткі, бабінца з трох’яруснай званіцай^[2]. Над асноўным аб’ёмам — васьмігранны сьветлавы барабан са шлемападобным гранёным купалам. У дэкоры фасадаў выкарыстаны плоскія нішы, розныя профілі, зубчыкі і г. д., характэрныя для неарасейскага стылю^[2].

Інтэр’ер

Заля храму асьветлена трайнымі аконнымі праёмамі барабану, абапёртага праз парусы на магутныя муры, астатнія памяшканьні перакрыты цыліндрычнымі скляпеньнямі з распалубкамі.

Царква занесена ў Дзяржаўны сьпіс гісторыка-культурных каштоўнасьцей Рэспублікі Беларусь як аб’ект гісторыка-культурнай спадчыны рэгіянальнага значэньня^[3].